كل عيد حب وانتو مستخبين بين دراعاته❤❤

[walaa farouk]

ولما اقوله ليه ؟
بتاسرنى اوى بساطته وثبات صوته البرئ وهو بيقولى بكل ثقه 'علسان خايف"😁 ده رد ابنى لما بيطلب منى ادخل معاه اوضه عتمه او انام معاه .
.اللى هو امرك غريب ياماما !!.😁
مبيتكسفش او فى الحقيقه هو اصلا ميعرفش مشاكل بشريتنا مع الاعتراف بالخوف بس بفطرته الانسانيه بيرد ويقول
..صوته عمره متهز فى كل مره بيقولهالى
..راسه منحنتش او عينه نزلت بخجل وهو بينطق بخوفه
..بنبهر وبحسد نظراته اللى كلها ثقه انى فاهمه ومستوعبه ومحتضنه مشاعره دى ..
والحقيقه المفرحه اكتر ليا انى بطوب قلبى اللى قادر يشوف فيه امانه وسكونه واللى فى كل مره لما بيرد"خايف" بيكون اعترافه ده هو انك انتى حمايتى
يارب....هو امتى وازاى خلقتنا مصدر حمايه وهدوء ..!!
ازاى برغم كل تشوهاتنا خلتنا يتأمن لينا ويتعاز لاحضانا..!!
امتى وازاى شوفتنا انتا نقدر نأتمن
على مخاوف غيرنا ونعبر بيهم لموضع سلام وراحه!
طب ازاى خليت من ماكتات قلوبنا الضعيفه دى صوره تعكس امانك المتناهى وسلامك الاصيل لقلوب موتتهم الحياه فى كل لحظه خوف ورعب .
يابابا من قلبى بقولك شكرا لاحضانك الوافيه والضامنه
شكرا لان قدامك لا بحنى راسك ولا بتلبخ فى الكلام
ولا بتكسفنى رعشة صوتى وانا بقولك.." خايفه"
شكرا لانك لما حبيت تقولى يعنى ايه حب قولتلهالى باللغه قلبى اللى مهما كبر وعرف يفضل مستني يسمعها بصوت طبطبه وهدهدة ابوه...
وهو بيقوله "لاتخف لانى معك"
بابا هنا ..بابا معك".❤❤

كل_عيد_حب_
وانتو_مستخبين_بين_دراعاته❤❤