انا
حاجات كتير ودعتها
ملحقتش اشبع منها
وظروف كبيرة ع الكتاف
استحملتها
وكنت برضو مش بخاف
لما بيمر الشريط قدام عنيا
بصعب عليا
انا لسة فاكر لمسة ابويا لايديا
وكأنها من ساعات
انا ابويا مات
وسابلي دنيا بهمها
وعشان هموم مش قدها
حاجات كتير ودعتها
ملحقتش اشبع منها
كان حلمي قبل ماشم ريحة شباب
اباة راجل
انا شيلت هم وشعري شاب
كان نفسي اة اشيل مسؤولية
بس مش كل الشيلة دي
مش عيلة كلها بهمها بكل ناسها
بالمراحل
كان نفسي اة اباة راجل
بس مش بالعيشة دي
الشيلة تقيلة تٌقل الجبال
مابين مرض مابين طموح بأة ف الخيال
واحلام راحت وبتتعدم
وانا وسط هم كل واحد بتفرم
فاكر ابويا كل عيد كان يجيبلنا الهدوم
وميفتكرش نفسه
المشهد دة لما اتكرر من كم يوم
انا كنت بطلـٌه
منكرش كنت حزين
كان نفسي اشكي وقتها
لحاجات كتير ودعتها
ملحقتش اشبع منها
اصعب حاجة بحسها
ان نفسي مش بتاعتي وملكها
بيملكها ناس ليهم عليها حقوق
مش ذنبي اني تعبت ، انا زيهم مخلوق
والكارثة انها مش ذنبهم
اصعب حاجة دوقتها
طعم الحلم بكلمة ياريت
اني مش هيكونلي بيت
كنت لما بسرح واغمض عنيا
بشوف انسانة وعدتها تـِكمل حياتي جنبها
بحس وقتها اني ابتديت
وافتح عيني ع الهموم وافتكر اني انتهيت
واضحك ع اللي وصلتلو
بيت اية واحلام اية
طريق ومٌجبر اكملو
مش كنت عايز تبأة راجل ؟
واديك بأيت
مش فارقة بأة انت ابتديت ولا انتهيت
اخر مابتمنى اشوفو قبل ماموت
اشوفلهم هما البيوت
وحياتهم تخلص من غير مشاكل
واباة ليهم ذكرى حلوة
واباة راجل !
منققققققققققققول
