|
 |
 |
 |
|
رقم المشاركة : ( 1 )
19 - 08 - 2020, 10:49 PM
|
|||||||||||
|
|||||||||||
 "فَانْزِعِ الْغَمَّ مِنْ قَلْبِكَ، وَأَبْعِدِ الشَّرَّ عَنْ لَحْمِكَ، لأَنَّ الْحَدَاثَةَ وَالشَّبَابَ بَاطِلاَنِ." (جا 11: 10)😳 الاية دى جميلة اوى 🥰و مخيفة اوى فنفس الوقت...😰 طب اية يارب اصلا اللى بيجيب غم ..ازاى اشيلة🤔 طب لية اصلا سليمان الحكيم بيبدا الاية بكلام حلو😍 ..و فى الاخر يقول "أَنَّ الْحَدَاثَةَ وَالشَّبَابَ بَاطِلاَنِ"🤯 لحد ما وصلت لاخر السفر و فهمت انة عاوز يقولنا ان كل حاجة تحت السماء باطلة😞 .. ما عدا علاقتنا بربنا.. طب الغم بيجى من اية بقى.؟؟..اقولكم بيجى من اى.. 🔻القلق!! ..القلق بيجيب غم يعنى زى واحد قلقان على البزنس بتاعة فمغموم طول الوقت ...😪 🔻المشغولية الزائدة..احيانا الواحد مبيلحقش يفرح بالى بيعملة . ..بسبب الزحمة..بسبب الشغل الزيادة🤐..يقول " يعطينا كل شى بغنى للتمتع" فا لية مبتتمتعش !! عشان مشغول اذن المشغولية سبب من اسباب الغم. ..بنظرة كدة الى العالم المتحضر النهاردة نسبة الغم بنزيد مش بتقل مع ان كمية التسهيلات و الرفاهية اللى موجودة النهاردة مكنتش موجودة من 30 40 سنة...🙄 🔻الخطية..مهما جملنا الصورة الحاجة الغلط لا يمكن تجيب سلام..لا يمكن.. . لان الحزن مرتبط بالخطية ارتباط التوام ....فعلاج الخطية هو المسيح لة كل المجد👑 هو اللى بيخلى الحياة جميلة ..💖 🔻الاحساس بالذنب ان الواحد يكون عندة تراكمات من ذنوب قديمة .. ..مش مسامح نفسة عليها ممكن تكون حقيقة و ممكن تكون مبالغ فيها..... .هنا سليمان الحكيم بيقول انذع الغم من قلبك .... الشخص المغموم للاسف بيبان علية فكلامة فمشيتة فيقول فسفر الامثال .. "الْغَمُّ فِي قَلْبِ الرَّجُلِ يُحْنِيهِ، وَالْكَلِمَةُ الطَّيِّبَةُ تُفَرِّحُهُ." (أم 12: 25)😑 طب نعمل اية ؟؟!! 🔺احنا دورنا اللى نعملة منقولش انا القلب زى ما يخدنى مرة غم و مرة فرح لا انت تقدر تلعب فقلبك و تصلح الموقف🤝 تقدر تغير الحالة اللى انت فيها من غم لفرح فيقول فسفر الامثال .."فَوْقَ كُلِّ تَحَفُّظٍ احْفَظْ قَلْبَكَ، لأَنَّ مِنْهُ مَخَارِجَ الْحَيَاةِ." (أم 4: 23) متسبش الغم يوصل لغاية قلبك..⚠️ اى حاجة تستفذنا نستفذ طب ما قلبك راح منك..حاجة تضايقك تقوم تتغم ... سيدنا البابا بيقول"الضيقة تبقى برايا مش جوايا" حاجة عظيمة ان الواحد ميسبش الضيقة تدخل على قلبة و تكلبش مستوعبها كويس اوى بيصلى مش لدرجة انها تكلبش على قلبة...فا يفضل مبتسم ....🤗 "لا تضرب قلوبكم "يعنى متسبش قلبك ينزعج متسبش الغم يدخل جواة.. 🔺كلمة ربنا بتدى مناعة عجيبة كل ما الواحد بيتمتع بربنا كل ما يكون عندة حالة من ال لا غم😍 "وُجِدَ كَلاَمُكَ فَأَكَلْتُهُ، فَكَانَ كَلاَمُكَ لِي لِلْفَرَحِ وَلِبَهْجَةِ قَلْبِي، لأَنِّي دُعِيتُ بِاسْمِكَ يَا رَبُّ إِلهَ الْجُنُودِ." (إر 15: 16) هو دا السر بجد اى كانت الاسباب مبتحوقش معانا ...💖💖 
|
 |
| أدوات الموضوع | |
| انواع عرض الموضوع | |
|
العرض العادي
