|
 |
 |
 |
|
رقم المشاركة : ( 1 )
15 - 08 - 2020, 06:05 PM
|
|||||||||||
|
|||||||||||
 كل اللى فات دا كان تمهيد وتجهيز ليوم الميلاد حكينا ظروف الميلاد كانت عاملة ازاى وتفاصيلها كلها تعالوا نعيش انهاردة شوية مع الطفل وامة مريم هو المكان مش مناسب ليكم ولا قد مقام حضراتكم والدنيا ليل وظلمة وفى عتمة اتولد النور طبعا ام النور ويوسف النجار اكيد شافوا عجائب فى اللحظة دى وسمعوا حاجات صعب تتوصف ومش لوحدهم دا كان قاعد برة شوية رعاة غلابة قاعدين بليل يريحوا من شقى وتعب النهار وظهر لهم الملاك وهما اول ناس عرفوا بالميلاد المقدس ودخلوا بسرعة المزود يشوفوا المولود ويفرحوا بيه وخلص يوم الميلاد وسط تسبحة الملايكة وفرحة الرعاة وعاشت مريم مع الطفل يسوع تراعية فى اول ايامة لحد ماجة اليوم الثامن وزى ماقولنا ان شريعة اليهود يختن الطفل فى اليوم الثامن ثم يسجل اسمه العذراء ويوسف قاموا رايحين لاتمام طقس الختان و بعد كدا قابلهم راجل عجوز اوى حد فاكرة ؟ كان بطل حلقتنا الاولى ايوة هو سمعان الشيخ اللى فضل محبوس فى الارض حوالى ٣٠٠ سنة لحد مايشوف ابن العذراء ( ارجعوا للحلقة الاولى ) وطبعا لما شافهم مسك الطفل يسوع وحملة على زراعية وقال جملتة المشهورة اوى الان ياسيدى تطلق عبدك بسلام لان عينى قد ابصرت خلاصك . نيجى بقا لقصة تانية بعض المخطوطات كتبت عن حدث غريب شوية عن سالومى ودى تبقى بنت خالة العذراء مريم واللى هاحكية دا فى بعض الكتب قالت انة حصل وبعض الكتب ماجبتش سيرتة لكن انا هانقلكم الحدث يقال ان سالومى لما عرفت ان بنت خالتها مريم كانت حبلى وخلفت وهى لسة فى فترة الخطوبة انزعجت جدا وراحت توبخ العذراء ازاى يحصل كدا ويقال ايضا انها وبخت يوسف كمان لانها اعتقدت ان حصل بينهم علاقة جسدية فى فترة الخطوبة لكن العذراء فهمتها الامر ويوسف برضة حاول يفهما لكن للاسف ماصدقتش الكلام دا . وقالت ازاى ابنك يكون على ايدك وانتى لسة عذارء بتول احنا طبعا لازم نعذرها لان الامر خارج حدود العقل والمنطق علشان كدا سالومى طلبت طلب سخيف جدا على حسب ماقيل عن الحدث انها طلبت بنفسها تكشف على العذراء مريم وتشوف هل فعلا لسة بتول ولا واستسلمت مريم لطلبها لانها لو رفضت كان هايبقى حوار وقعدت سالومى تحت رجلين العذراء علشان تكشف عليها واول مامدت ايدها حصل تجمد فى ايد سالومى وصرخت بشدة من الالم وطلبت ان تسامحها العذراء فطلبت العذراء من طفلها ان يسامحها وهذا ماحدث بالفعل لكن ربنا عمل كدا مع سالومى بعد ماشافت بتولية العذراء وفضلت سالومى بجوار العذراء مريم لحد ما هنشوف بعد كدا انها هربت معاهم الى ارض مصر والقصة دى فى البعض بيكذبها والبعض الاخر بيؤكدها ماقدرش اقول انها صح او غلط لكن الامر مازال مطروح انهاردة اتكلمنا عن شخصيتين كان عندهم شك فى ان العذراء تحبل لكن ربنا ارد ان يعرفهم الحقيقة وفى نفس الوقت اتعاقبوا على حسب احتمالهم وبقوا من اعظم شهود على مدار التاريخ يؤكد بتولية السيدة العذراء وبكدا انتهت حلقتنا انهاردة واستنونا في الحلقة الجاية لان فى ضيوف مهمين اوى جايين من بلاد فارس هانقضى الحلقة الجايه معاهم ونشوف اية علم الفلك وهانتكلم شوية عن علم الفلك وتفسير الاحداث وتنبؤات المنجمين والسحر وحركة النجوم هايكون فى قصص حلوة ومعلومات رائعة عن علم الفلك وعن رحلة السبع علماء ماجوس اللى جم للطفل يسوع وامة 
|
 |
| أدوات الموضوع | |
| انواع عرض الموضوع | |
|
| قد تكون مهتم بالمواضيع التالية ايضاً |
| الموضوع |
| مسلسل مريم الحلقة (14) الحلقة الأخيرة ثيؤطوكوس |
| مسلسل مريم الحلقة (13) نور من قبور |
| مسلسل مريم الحلقة (12)من مصر الي الناصرة |
| مسلسل مريم الحلقة (2)العجوزان |
| مسلسل مريم (الحلقة الاولي) |
العرض العادي
