|
 |
 |
 |
|
رقم المشاركة : ( 1 )
11 - 06 - 2020, 10:31 AM
|
|||||||||||
|
|||||||||||
 لو حد بتثق فيه جدا .. قالك هاجبلك حقك لحد عندك وبعد كده اتفاجئت ان حقه هو شخصياً بيضيع قدامه وهو صامت تماما ومابيقولش حاجه هل ثقتك فيه هاتفضل زي ماهي !! مابالك بقى لو حصل نفس الموقف مع حد انت اساسا ماتعرفوش ولا فيه اي ثقة ولا مواقف تربطك بيه كان هايبقى ايه موقفك !! ديماس كان عنده ايمان مكنش موجود في تلاميذ المسيح ايمان من نوع خاص جدا متر ولا مترين بينه وبين المسيح .. شايف المسيح بتفاصيل واضحه جدا .. منهك وبينزف ومطعون ومجلود ورغم ذلك صامت .. تفاصيل صوت وصورة لايف .. بث مباشر اللص الشمال قال جملة منطقية جدا مقدرش الومه عليها ابدا قال لو كنت انت الله .. خلص نفسك وخلصنا فعلا ياجماعه كلام منطقي .. ويجوز لو كتير مننا في الموقف ده كان قال نفس الجملة اصل ايه القوة اللي تميزك عني وانت حالك زي حالي وشايفك رغم ده صامت ومش بتعمل حاجه حتى تلاميذه .. واحد انكره والتاني باعه والتالت شك فيه وفجأة يظهر صوت عجيب وسط كل الدوشة دي بيقول اذكرني يا الله متى جئت في ملكوتك صوت خلى المسيح يبصله رغم وجعه والامه وتعبه جملة رنت في ودن المسيح رغم كل الدوشة والهتاف والصراخ والبكاء اللي كان حواليه صوت اخترق غضب الطبيعة من مطر ورياح ايه .. ايه ياديماس اللي انت بتقوله ده .. انت مدرك معنى كلامك !! فايقول اذكرني يا سيد متى جئت في ملكوتك .. ده انت مصمم بقى !! فرد المسيح وقال .. اليوم تكون معي في الفردوس اليوم !! ايه السرعه دي .. تأشيرة مختومه من رب المجد شخصياً ووعد بلسانه وبصوته .. اليوم تكون معي في الفردوس يعني مش كاهن هايقوله مغفورة لك خطاياك .. ده قاله اليوم تكون معي في الفردوس . ديماس كان في اللحظة دي يملك ايمان كفيل ينهي كل المهزلة دي في ثانية باشارة من ايده .. معقول لص ينهي كل الاحداث دي اقولك يقول الكتاب ان كان لديكم ايمان مثل حبة الخردل لنقلتم جبال طيب مابالك بقى باللي ايمانه بحجم الجبال يقدر ينقل ايه !! ديماس مكنتش حاسس بقيمة نفسه .. لانه كان واثق انه بلا قيمة وهو جنب ملك الملوك ورب الارباب حقيقي طوباك ايها اللص .. التلميذ انكر واللص صرخ قائلا اذكرني يارب متى جئت في ملكوتك ديماس .. سارق الارض والسماء ❤ 
|
 |
| أدوات الموضوع | |
| انواع عرض الموضوع | |
|
العرض العادي
