|
 |
 |
 |
|
رقم المشاركة : ( 1 )
09 - 06 - 2020, 06:13 PM
|
|||||||||||
|
|||||||||||
 كل يوم بيدخل في الصيدليه عندي حالات "كورونا" أو مشتبه في كورونا كتير النهارده استوقفتني حاله شاب داخل عايز حقنة برد وهو باين عليه التعب سألته شوية اسئله،شكيت وبعدين طلبت منه يعمل صورة دم قالي إنه راح مستشفى وعمل اشعه وقالوه له مافيهاش حاجه وصورة دم إللي بتقول كورونا وطلع لي روشتة كورونا كامله ،، ولما سألته ليه بتسأل على حقنة برد وإنت معاك روشته قالي إنه سأل عليها ولاقها غالية قال كفايه حقنة برد عشان الفلوس ولازم يخف بسرعه عشان عامل ب اليوميه ولو رقد يوم حيعيش منين؟!! ولو عرفوا إنه عيان حيمشوه!!!! الحقيقه الموضوع استوقفني من كذا جانب أولا هو نازل شغل وكام واحد مخالط ليه ،،عامل زي القنبله إللي حتاخد ف وشها كام واحد للموت ثانيا. الناس دي غلابه آوي مش معاه يجيب علاج ف حيكتفي بحقنة برد وعايش اليوم بيومه خايف يتعب يرقد مايلاقيش ياكل يارب بجد لأجل الناس الغلابة دي ارفع الوباء ده ثالتا ناس كتير زهقت من الحبسه وقعدة البيت وهما مرتباتهم ولا معاشاتهم موجوده و صحتهم كويسه ومحوشين ادويه مناعه و فيتامينات و مضادات ولسه بيتذمروا من الحبسه بصوا لغيركم وقولوا الحمدالله،،،،صدقوني الناس غلابه آوي الكلام ده بقوله. لنفسي قبلكم يمكن ماكنتش بقوله على لساني لكن كان جوايا متذكرة إن كل الناس ف بيوتها وأنا الوحيده إللي ف الشارع ف الصيدليه من الصبح لليل متعرضه العدوى ،،بحلم بيوم أجازه بقالي شهر أريح فيه جسمي وافصل شويه أتاري ياربي حالي أحسن من ناس كتير... والتعب إللي حاسه بيه أهون من ناس كتير... لاجلهم يارب ارفع الوباء ده عن العالم ،اشفي المصابين ،هدئ الهلع إللي أصاب الناس وارحم المتوفين وعزي ذويهم يارب 🙏🙏🙏🙏 
|
 |
| أدوات الموضوع | |
| انواع عرض الموضوع | |
|
| قد تكون مهتم بالمواضيع التالية ايضاً |
| الموضوع |
| يارب ارفع عنا الوباء |
| كفايه يارب ارفع الوباء عن الناس |
| ارجوك يارب ارفع عنا الوباء والبلاء |
| لاجل خاطر هؤلاء ارفع الؤباء عن العالم |
| يا يسوع ارفع عن العالم هذا الوباء |
العرض العادي
