|
 |
 |
 |
|
رقم المشاركة : ( 1 )
19 - 05 - 2020, 12:33 AM
|
|||||||||||
|
|||||||||||
  حيوان الشانشيلا الخبراء بيصنفوه من القوارض ،وفي البوست ده هقولك ليه الشانشيلا مثال حي على التصالح مع الذات والسلام النفسي .. الشانشيلا جاي الحياة ياكل ويلعب وينام وفي المشاكل مش قد كده .. 💆❤️ متسامح جدا مع كل اللي حواليه وغلبان لدرجه لو قرب منه عدو ومعرفش يجري منه هيستسلم للأمر الواقع لأنه مبيعرفش يدافع عن نفسه بسبب ايديه ورجليه الصغيرين ولا يملك غير سنتين حامين في مقدمة اسنانه يعض بيهم 🥺❤️ بيعرف ينط ٦ امتار في الهواء وسريع شويه ويمكن دي الحاجه الوحيده اللي ممكن تنقذه من اي خطر 🏃🏃 من الحاجات اللطيفة في الشانشيلا انه عاشق للأكل .. ملظلظ ومش مهتم بوزنه هو كده كده الناس بتحبه عشان مقلبظ ومبقلظ وفلافي في نفسه 🐰😂❤️ بياكل حرفياً اي حاجه تيجي قدامه المهم ميسيبش بوقه فاضي يعني لو عايز تكسبه قدمله اكل وهيصاحبك عادي 💆 الشانشيلا من الحيوانات اللي مش بتحتاج مجهود في انك تخليها مستأنسه واليفه لأنه اصلا طباعه مسالمه جدا وغلبان وبيثق في اي حد بسرعه وده بيعرضه لخوازيق كتير زي الصيادين اللي بيصطادوه عشان يستفادو بفروه مثلا وعرضوه لخطر الانقراض🥺💔 لما بيتوتر او بيخاف شعره بيقع 🤣❤️ والخبراء في تربية الشانشيلا لاحظوا ان في الغالب مبيعرفش يشوف كويس بسبب ان شعره بينزل على عينه وده بيخليه يتخبط كتير وهو ماشي 😂❤️ ومن الحاجات اللطيفة عنه كمان انه في فصل الشتاء احيانا بيلزق مؤخرته بمؤخرة زميله عشان يدفوا بعض 🤣❤️ 
|
 |
| أدوات الموضوع | |
| انواع عرض الموضوع | |
|
العرض العادي
