زوّادة اليوم: محبّة ما إلها حدود : 8 / 5 / 2020 /

[souad jaalouk]

زوّادة اليوم: محبّة ما إلها حدود

بيقول القدّيس اغسطينوس: "ان الله يحب كل إنسان كما لو كان وحده في الكون"
متل الولد الوحيد اهلو ما بيكونو شايفين حدا غيرو، هيك ربنا مع انّو في عالأرض شي 7 مليار نسمة بس هوّي شايف كل واحد كأنّو وحدو! عم تتخايلو قدّيش بيحبنا! و نحنا بعدنا منشكّ فيه، منعاتبو عا اقل بحصة بطريقنا، منسألو وينك تاركنا لحالنا، كل ما صار شي مش عا ذوقنا منقول الحق عا الله سمح يصير هيك... و غيرا و غيرا...هيك عم نبادلو محَبتو اللي ما بتخلص! كونو اكيدين انّو لو ربنا بدّو يعاملنا بالمثل كنّا تقاصصنا بقساوة متل قلوبنا اللي مش مصَدْقَة انّو في محبّة هلقَدّ كبيرة و صادقة و ما بدها شي بالمقابل!!... عيدو حساباتكن و ارجعو للرب لأنّو هوّي وحدو سندنا حتّى وقت الكل يتركنا... رفعتُ عينيّ إلى الجبال من حيثُ يأتي عوني معونتي من عند الربّ صانعِ السما والأرض.لا يَدَعُ رِجْلَكَ تَزِلّ لا ينعسُ لا ينامْ الربُّ يَحْفَظُكَ الربُّ سِتْرٌ لكَ. مزمور 121، الله معكن