|
 |
 |
 |
|
رقم المشاركة : ( 1 )
15 - 04 - 2020, 01:30 PM
|
|||||||||||
|
|||||||||||
|
💖سلسله شخصيات اغلق فى وجوههم باب الكنيسة ( افدوكسيا )💖  👈قصتنا النهارده مختلفه عن كل الحلقات اللى فاتت فى كل مرة كنا بنشوف👀 ازاى قفل الكنيسه💒 كان بيجى بفايده روحيه كبيره لكل شخص اتحط فى الموقف ده لكن للاسف شخصية النهارده ( افدوكسيا) معرفتش تستفيد و دمرت نفسها و خسرت خلاصها 😔.......تعالوا نشوف التفاصيل👇 👈راحت ارمله مسكينه تشتكى ظلمها لبطرك القسطنطينيه ( يوحنا ذهبى الفم ) ...... لان البستان اللى ورثاه من زوجها اتاخد منها و مبقاش عندها مصدر رزق تعيش منه 😔 المشكله بقى انه اللى اغتصب البستان منها مكانش واحد من قرايبها و لا واحد من اعداء زوجها المنتقل ....... لكن اللى زاد صعوبه المشكله انه المغتصب كانت افدوكسيا 👸زوجه الملك🤴 👈و الحقيقه مكانش قدام القديس يوحنا البطريرك المحب لاولاده الا انه يروح للملكه 👸و يكلمها مش بس علشان يشفع للست الغلبانه دى لكن كمان علشان يبكت الملكه👸 لعلها ترجع عن خطاياها و طمعها و لا تخسر ابديتها😔 👈بالفعل راح القديس يوحنا لافدوكسيا👸 ووعظها كتير و حذرها من الطمع و وطلب منها إرجاع البستان إلى صاحبته و لما ملقيش اى استجابه حرمها من دخول الكنيسه💒 و من التناول و مشى و سابها 👈فى الليله دى تملك الغضب قلب افدوكسيا👸 ....ازاى يوحنا يتجرأ على الملكه ؟ ❓هو نسى نفسه و نسى انه اصلا زوجى هو اللى مضى على قرار توليه البطريركيه ؟؟ ❓لا لا يمكن يمر الموضوع ده بدون رد رادع ليكون الراجل ده عبرة لاى حد يفكر يتطاول على افدوكسيا 👸 👈و بالفعل تانى يوم جمعت افدوكسيا 👸مجمعا غير شرعى من بعض الاساقفه اللى كان البابا يوحنا سبق ان حرمهم لاخطاء جسيمه ارتكبوها ...... و انعقد المجمع و تم تلفيق التهم و حكموا بنفى البابا القديس الى جزيرة ثراكى و صدق ✍️الامبراطور🤴 الساذج على القرار بناء على رغبة افدوكسيا 👸امرأته 👈و خضع البابا و تم تنفيذ الحكم ......لكن الحكم ده مستمرش اكتر من ليله واحده بس فى الليله دى اتجمهر الشعب المسيحى كله حوالين قصر الملك🤴 ليعلنوا رفضهم لما حدث ......و فى نفس الوقت حدثت زلزله عظيمه كادت تدمر المدينه و كأنها علامه غضب من الله لما حدث 📌مش بس كده لكن افدوكسيا👸 كمان اصابتها حالة اجهاض مفاجئه كادت ان تموت بسببها كل ده حصل فى نفس اليوم اللى اتنفى فيه القديس 📌ارتعبت الملكه👸 و اصدرت امرا للجنود💂♂️ بالعوده مرة اخرى بيوحنا لمدينته و ايقاف الحكم بنفيه و لكنها لم تصدر مرسوما بالغاء الحكم نهائيا📝 ...... ربما لتحاول الضغط عليه فى وقت لاحق للسماح لها بدخول الكنيسه💒 و تقديم اعتذار و رد اعتبار لها 📌رجع البابا تانى يوم لكرسيه و احتفل الشعب و فرح🙂 و لكن هذا الحال لم يستمر سوى اسابيع قليله ......و فى يوم كان البابا بيصلى🙏 القداس فى كنيسه💒 اجيا صوفا و كان فيه ساحه قريبه من الكنيسه 💒و كانوا فى اليوم ده عاملين حفل لتنصيب تمثال فضه كبير للملكه👸 و كانت الحفله مليانه رقص خليع و موسيقى صاخبه🎤🥁 و امتد الامر لما هو اكثر من ذلك من الامور التى تحزن قلب الله حتى ان صخب الحفله شوشر على القداس ...... فاغتاظ😠 القديس و سيطرت عليه الغيرة المقدسه فقال فى عظته : ✍️" قد قامت هيروديا و رقصت و طلبت راس يوحنا المعمدان على طبق " فى اشارة واضحه لافدوكسيا و👸 كيف تقاوم البابا يوحنا لمجرد شهادته للحق 👈و سريعا ما وصلت الوشايه للملكه👸 التى اعتبرت ان هذا هو الوقت المناسب للانتقام النهائى ........فامرت بتنفيذ الحكم السابق لنفى يوحنا و التشديد على الجند💂♂️ الموكلين بحراسته بعدم اعطائه راحه فى سفره ......سافر البابا من بلد لبلد و من منطقه للتانيه و عانى كتير فى الطريق من البرد و سوء المعامله و نقص الادويه💊 حتى انهم كانوا بيجبروه على السفر و هو سخن🌡️ و عنده حمى شديده .........حتى وصل لبلد اسمها كومانا و مقدرش يكمل و تنيح هناك سنه 407 م 📌راح القديس يوحنا السما و تمثل بيوحنا المعمدان بشهادته للحق و بنعيدله يوم 17 هاتور من كل عام 📌اما افدوكسيا فكبرياء قلبها اصابها بغشاوة كبيرة فمعرفتش تميز صوت ربنا و مفهمتش انه الحرمان من الكنيسه💒 ده كان رساله من ربنا علشان تراجع نفسها و تتوب و اخدت كل الامور على انها عداوة شخصيه بينها و بين البطرك و انه الموضوع هو صراع على النفوذ و مين منهم اللى يقدر يمشى كلامه .......فكانت النتيجه انها وقعت فى سلسله كبيرة من الخطايا و خسرت كل شئ و يقال ان افدوكسيا👸 اصيبت بمرض غريب🦠 و انفقت اموالا طائله💰 على علاجه دون جدوى فذهبت لقبر البابا يوحنا و ظلت تترجاه ليسامحها و يشفع فيها ليرفع عنها الرب مرضها !!!🤒 📌الدرس المستفاد : هتلاقى ناس كتير بتقول انه ربنا ملوش دعوى باللى بيحصل و انه ايه علاقه ربنا بالفيرس🦠 اللى اصاب العالم كله ؟؟؟ ❓و هتلاقى الكلام يبدو منطقيا و مقنع ......لكن عليك ان تتذكر ان الله ضابط الكل و بدال سمح بضيقه 😔يبقى فيه رساله شخصيه من خلاله لكل واحد فينا 🕯️" من له اذنان للسمع فليسمع " ( مت 11 : 15) المراجع : 1- قاموس اباء الكنيسه و قديسيها ( موقع الانبا تكلاهيمانوت ) 2- كتاب مدخل فى علم الابائيات ( تاليف القمص اثناسيوس فهمى جورج ) 3- سنكسار الكنيسه القبطيه الاورثوذكسيه التعديل الأخير تم بواسطة Mary Naeem ; 15 - 04 - 2020 الساعة 02:25 PM 
|
 |
| أدوات الموضوع | |
| انواع عرض الموضوع | |
|
العرض العادي
