البسطاء هما النقطه التي يحن اليها الله

[walaa farouk]

(مارسلينو)



البسطاء هما النقطه التي يحن اليها الله..
والبسيط مش بالضروره يكون فقير ...البسيط هو الشخص النقي اللي مبيعقدش الامور
ومبيدهاش اكبر من حجمها ونيته صافيه ومبيحسبهاش كتير ومتوكل علي الله ولا يريد سواه...
وده غير المهمل او اليائس..هو نسخه الخليقه الاولي..
والله بيحب جدا النسخه الاولي ...
بيحب البكر..بيحب وقتك البكر النقي في صلاتك وانت لسه عقلك خالي..
بيحب البكر من تقدماتك ..قبل ما تفكر في مصاريفك وتشغلك..
بيحب البكر من اولادك ((قَدِّسْ لِي كُلَّ بِكْرٍ، كُلَّ فَاتِحِ رَحِمٍ))
بيختار بكر العواقر...اول قطفه زي ما بيقولوا بعد سنين انتظار( صموئيل ..يوحنا المعمدان..اسحق ...الخ)
بيختار عذراء بكر نقيه اتربت في الهيكل ..
بيحب فلسي الأرمله اللي اتقدموا بنقاوه..
بيحب الاطفال اللي هما فعلا نسخه حقيقه من البساطه ونقاوه القلب ..
بيحب داوود الطفل اصغر اخواته الراعي النقي اللي مكانش بيفكر غير في اكل اخواته وغنمه...
بيحب موسي اللي قاله انا مبعرفش اتكلم اعمل ايه..
ابراهيم اللي ببساطه اطاع وخد ابنه يذبحه من غير حسابات..
بيحب صياد يقوله علي كلمتك القي الشبكه..
بيمدح الكنعانيه اللي ردت ببساطه (والكلاب تأكل من الفتات الساقط من مائده اربابها)
بيمد ايده من تمثال الصلب ويقبل الخبز من يد مارسيلينو اللي بيقدمه بمنتهي النقاء والبساطه..
هو كده بيحب النقاوه والبساطه ..وعشان كده هو معين البسطاء ..يمكن مبيخلهومش ملوك...
لكن بيعينهم بسلام نفسي حقيقي وراحه بال حقيقه وسعاده حقيقه مجانيه
ناس كتير بتفضل طول عمرها تجري وتتعب وتدفع ملايين عشان توصلها ومبتعرفش..
اعد تشكيل قلوبنا ايها الفخاري الي الصوره النقيه التي تريدها..وامنحنا سلامك...