زوّادة اليوم: كل المطارح بتصير كنايس : 26 / 3 / 2020 /

[souad jaalouk]

زوّادة اليوم: كل المطارح بتصير كنايس

بيخبرو عن صَبيتين اصحاب رح يصرلن شهر ما شافو بعضن من ورا الوضع اللي نحنا فيه و كانو يضلّو سوا كل يوم من هنّي و زغار. كانو عم يحكو عالتلفون قالت وحدة لرفيقتها: وين احلى مطرح عندك بهالدني؟ فكّرت التانية و جاوبت: ما بيهم المطرح المهم نكون سوا!
الزوّادة اليوم بتقلنا انّو اهميّة المطرح و ليش بتحبّو او لأ بيرجع لمواقف عايشها فيه! في مطارح شكلها حلو كتير بس ما بتعنيلنا و ما منحبها لأنّو ما فيه شخص بيربطنا فيها و في محلّات بسيطة يمكن شجرة يمكن قهوة زغيرة يمكن مطرح عادي كتير بس لإلكن بيعني كتير... كل هالحكي تا نقلكن حملو يسوع بقلوبكن و روحو مطرح ما بدكن! كل المطارح بتصير كنايس، كل المطارح بتصير حلوة و الها معنى! البيت اللي هلّق عم تشكتو انّو عم يزهقكن و متل الحبس جرّبتو تستقبلوا يسوع فيه؟...الله معكن

[walaa farouk]

ميرسي على زوادة اليوم
ربنا يفرح قلبك

[Mary Naeem]

آمين يا رب