قالك افتح الكتاب المقدس هتلاقي شعرايه

[walaa farouk]

قالك ايه ..
قالك افتح الكتاب المقدس هتلاقي شعرايه
هلاقي ايه ؟!
شعرايه ..

طيب بص بقا ..
مبدئيآ ، وعلميآ .. الانسان بتقع منه يوميآ من 100 شعره ل 150 .. ده امتي ؟! ..
ده كل يوم .. يعني عادي جدا ممكن شعرايه منك تقع ف الكتاب المقدس ..
او علي كرسي .. او علي موبايلك .. او علي اي حته يعني

ثانيآ .. انا عارف اننا ف ظروف صعبه وكلنا ف توتر وقلق ..
بس مش لدرجة انك تقتنع انك هتلاقي شعرايه ف الانجيل وتحطها ف كوباية ميه ..
عيب يعني .. ميصحش .. احنا ف 2020 .. انت فاهم انت بتقول ايه ؟! ..
مصيبه لو كنت فاهم

ثالثآ .. هو انت مستني شعرايه ف كوباية ميه علشان ربنا يحميك ؟! ..
طيب والصوم والصلاه راحوا فين ؟ ..
يعني انت مش هتحس ب حماية ربنا ليك ف وعوده وكلامه المكتوبه ف الانجيل
لكن هتحس بيها لما تشرب الشعرايه .. يا أخي اختشي

رابعآ وأخيرآ .. السيد المسيح قال ان في نهاية العالم هيظهر انبياء كذبه كتير
وهيعملوا معجزات ف كل مكان علشان يضلوا ولو أمكن المختارين أيضآ ..
ساعتها لما تشوف معجزه هتعمل ايه ..
هتجري وراه وتأمن بيه وتصدقه وتقول عليه قديس وبار ؟! ..
ما انت صدقت شعرايه مش هتصدق بني أدم يعني ؟

خلي بالك ..
احنا كلنا ف امتحان ايمان
يا تنجح .. يا تسقط
مفيهاش وسط
وصلت ؟