زوّادة اليوم: أعطنا يا رب موهبة الحكمة : 19 / 2 / 2020 /

[souad jaalouk]

زوّادة اليوم: أعطنا يا رب موهبة الحكمة

بيقولو ما بيهِم من ادّيش وقت بتعرف حدا اللي بيهِم هوّي مين اجا عا حياتك و بوقت قصير عبّى بقلبك مطرح ما كنت حتّى عارفو فاضي!
اوقات صدفة بتجمعك بحدا و بتبطّل قادر تقعد بدونو و بتصير تهتم فيه و اذا بيوم كنت متوقّع تشوفو و ما شفتو بتزعل. بعجقة الناس بتفتّش عليه، بأزغر الزوايا بتفتّش عليه، بتنطر تلمحو او اي فرصة حتّى تلتقي فيه لو كَم دقيقة بس و بتصير خايف انّو يجي يوم و ما بقا تلاقيه و يضيع منّك! و اذا اجا هاليوم بتصير تعزّي حالك بفكرة انّو انشالله يكون منيح و بمطرح احسن. و بتصير تسأل حالك ليش التقيت فيه اذا رح ارجع اخسرو؟! صلاتنا اليوم حتّى يا رب تعطينا موهبة الحكمة تا نفهم حكمتك و نعرف نعيشها بقناعة شو ما كانت و كلنا ثقة بمحبتك...الله معكن

[walaa farouk]

ميرسي على زوادة اليوم
ربنا يفرح قلبك

[Mary Naeem]

آمين يا رب