|
 |
 |
 |
|
رقم المشاركة : ( 1 )
17 - 02 - 2020, 09:11 PM
|
|||||||||||
|
|||||||||||
 باب السما مفتوح!؟ - مفتوح، أتفضلي = دورت عليك كتير مالقتكش - غريبة، فـ العادي أنا اللي بدور = فـ حالتي أنا، أنا اللي كنت بدور - أنا موجود هنا = ماكنتش أعرف - دورتي فين! = فـ كل الناس - كُنتي محتاجاني فـ حاجة!! =قالولي الحل عندك - أعرضي مُشكلتك = أنت عارف الحياه صعبة، مَلئت قلبي خرابيش = لفيت علي كُل الناس لأجل العلاج، و كل مره كنت بعاود بـ جرح جديد = ماحدش بقي عنده علاج للتاني = بقيت مُزايدة، و مين يزيد جرح التاني - كُل الناس!! = كُل الناس = خد عندك، دول صحاب أصلًا مش موجودين فـ حياة بعض، بس المُسمي صحاب، لكن مين يداوي جرح التاني و كُل واحد فيه اللي مكفيه! = شوف دول كمان، جماعة شايفينك بتاكل و بتنام يبقي أنت كدا تمام يجيلك منين وجع يبكيك و احنا بنصرف عليك شئ و شويات! - أنا عرفت دول مين = الكوم الكبير بقي، جماعة الغدارين - و دول مين!؟ = دول اللي ضاعفوا جرحي جروح بـ اسم الحُب يا سيدي = شوف دا، قالي احنا الأتنين مجاريح و جرحي علي جرحك و نكمل سوا - و اللي حصل؟! = فلق قلبي نُصين و جرحه طيبُه الهوا، ما هو أصلًا فـ الأصل كان وهم و إختراع - و دا مثلًا، قالي العلاج عندي، كُل دواكي يتلخص فـ شوية حُب مع الكثير من القُرب، فجاءة تدوب كُل الأزمات - و دابت!؟ = أتحولت لآلامات بـ طعم مرار، و كأنه ثعلب مكار، صدقني أنا فـ البداية صدقته، كان مُحترف فـ إدعاء الحُب ع المجاريح أشباهي - و اللي حصل؟! = عيطلته كتير، و كان ليه من الحبايب كتير بيطيبوا خاطره، و لما سألته! = قالي كئابتك مش لايقة عليا ، قولتله عالجني و فارق مش فارقة!، رد قالي محتاجة حنية و أنا مابعرفش غير أقسي، إتكلي ع الله - و بعدين!؟ =أفتكرتك! جيت أدور عليك، مالقتكش! = غيبت عني! - توهتي مني! = شكلي أتأخرت كتير! - أيام و سنين = كُنت تشدني عافية - ماحدش بيجي هنا بالأجبار = كُنت تقولي إن الحل عندك - كان هيغويكي شيطانك تدوري فـ الناس = فـ سبتني لُه! - كان لازم تطلعِي بـ عينك، عشان ماتقوليش خانقني = يارتني ما جربت - عشان تقتنعي! = فاكر زمان! - أما كُنت بـ قولك بلاش، مالكيش خير فيهم! = بعد ما أكلني الندم صدقتك! - بعد سنين! = شكلي تغير لازم! الزمن غيرني... شوهني! - دا أمرُه ساهل، كُله هيتصلح = واخده علي خاطري منك، كان لازم ماتسبنيش - كان لازم تشوفي بـ عينك = جربت كتير - عارف = ليه ماكنوش واحده و لا أتنين، إيه الفايدة فـ كُتر الوجع - فيه قلوب بـ تتعلم بـ الغالي = أظن إني دفعت ليالي، ومن الوجع دوقت أكوام -و أنا مش ناسي = ماتقولش إن فيه زعل تاني ماعادش فيا مكان، غير بس، حبة هوا طالعين أشبه بالدُخان، بيطلعوا مُحايلة - سددتي التمن بـ زيادة = كلامك بيقول إنه جه وقت الراحة - جه وقت العلاج و الكرم = طب الأول و بدور عليه من زمان و اتأكدت إنه عندك، و التاني!! - ماله! = كيف استحق كرمك يا سيدي، و أنا اللي تاركك بـ مزاجي زمان! - ما هو أصله ماكنش عقاب! كل اللي فات ماكنش عقاب، و اللي جاي مش بس عوض اللي إندفع، دي مُكافأة الرجوع = مُكافأة الرجوع! - لو جالك ضيف غايب بقاله سنين، مش واجب إنك تعشيه! = واجب و لزوم - هتديله الأكل علي قد سنين غيابه و لا ع قد حُبك ليه! = علي قد حُبي - هيكون كرمي، علي قد محبتي ليكي = كدا هرتاح كتير! - ليكي حق العلاج و ليكي حق الحُب = دا كرم كتير بجد! - و ليكي حق الغيبة! = دا حقك اللي ليك عندي، أنا اللي غيبت - ماهو لازم تدوقي الكتير من الحُب هنا عشان ماتغبيش تاني = كدا العوض كتير بجد! - و لسه كمان فيه زيادة = شكلي كان لازم أتعور كتير، عشان استحق دا كله - جه الوقت؛ مش هيبقي فيه خرابيش من تاني = تفتكر كل تأثيرات اللي فات، هتروح! - هتتمحي! = بـ حسها مُسيطرة علي قلبي! - هيختفي مرور ذكراها من قدام عقلك = سؤال سخيف أعذُرني كل دا كان ليه!! - إجابات كتير إختصارها عشان ماتفارقيش تاني حُضني... #باب_السما_مفتوح #إلي_كُل_المُهلَكين_بـفعل_الأيام #إلي_كُل_جَرحَيَ_الحُب 
|
 |
| أدوات الموضوع | |
| انواع عرض الموضوع | |
|
| قد تكون مهتم بالمواضيع التالية ايضاً |
| الموضوع |
| باب السما مفتوح |
| كلمات ترنيمه باب السما مفتوح |
| لسه باب السما مفتوح |
| باب مفتوح فى السما |
| ترنيمه باب السما مفتوح |
العرض العادي
