سفر الجامعة 📜 زيتونة الحياة

[walaa farouk]

سفر الجامعة 📜
لو هنسميه بمصطلحاتنا دلوقتي نقدر نقول عليه "زيتونة الحياة "🙃
خبرة سليمان الحكيم طول حياته كلها متجمعه ف السفر دا 👴
السفر بيبدا بسؤال استنكاري "مَا الْفَائِدَةُ لِلإِنْسَانِ مِنْ كُلِّ تَعَبِهِ الَّذِي يَتْعَبُهُ تَحْتَ الشَّمْسِ؟" (جا 1: 3)🤷🏻‍
سليمان الحكيم بيوجه كلامه لكل شخص بيقرا السفر ..
ليه بنتعب ف الحياة وبندور ع ايه بالتعب دا 🤔
سليمان الحكيم ربنا اداله حكمة عظيمة
لكن زي ماهو قال الحكمة دي ساعات بتيجي بنتيجة عكسية
لأَنَّ فِي كَثْرَةِ الْحِكْمَةِ كَثْرَةُ الْغَمِّ، وَالَّذِي يَزِيدُ عِلْمًا يَزِيدُ حُزْنًا." (جا 1: 18)🤦🏼‍
كان فاكر أنه كل سعادته ف الدنيا هتكتمل بالحكمة ..فاكتشف انه"
فَإِذَا الْكُلُّ بَاطِلٌ وَقَبْضُ الرِّيحِ." (جا 1: 14)🤷🏻‍

فكر انه هيبقي سعيد اكتر بلذاته وشهواته "قُلْتُ أَنَا فِي قَلْبِي:
«هَلُمَّ أَمْتَحِنُكَ بِالْفَرَحِ فَتَرَى خَيْرًا» (جا 2: 1)
مكنش بيحرم نفسه من اي شهوة ولا حاجة عينه تقع عليها ويحبها
"وَمَهْمَا اشْتَهَتْهُ عَيْنَايَ لَمْ أُمْسِكْهُ عَنْهُمَا. لَمْ أَمْنَعْ قَلْبِي مِنْ كُلِّ فَرَحٍ
، لأَنَّ قَلْبِي فَرِحَ بِكُلِّ تَعَبِي. وَهذَا كَانَ نَصِيبِي مِنْ كُلِّ تَعَبِي.(جا 2: 10 )
لكن يرجع يكتشف أنه كل السعادة دي لحظية وانه كله باطل
"ثُمَّ الْتَفَتُّ أَنَا إِلَى كُلِّ أَعْمَالِي الَّتِي عَمِلَتْهَا يَدَايَ،
وَإِلَى التَّعَبِ الَّذِي تَعِبْتُهُ فِي عَمَلِهِ، فَإِذَا الْكُلُّ بَاطِلٌ وَقَبْضُ الرِّيحِ،
وَلاَ مَنْفَعَةَ تَحْتَ الشَّمْسِ." (جا 2: 11)🤷🏻‍

سليمان الحكيم مر بفترة بعد فيها عن ربنا وعبد الوثنية وبالتأكيد السفر دا كتبه بعد ما رجع تاني لربنا 👌
يمكن البعض بيشوف إن السفر دا فيه نظرة تشاؤمية ..لكن ف نظري السفر دا كان "عَطِيَّةُ اللهِ." (جا 3: 13)👌
سليمان الحكيم اكتشف إن توقيت ربنا أحلى ...مظبوط بالمللي 👌
"لِكُلِّ شَيْءٍ زَمَانٌ، وَلِكُلِّ أَمْرٍ تَحْتَ السَّمَاوَاتِ وَقْتٌ:" (جا 3: 1)🥰

سليمان الحكيم لخص السعادة ف نظري ف نقط بسيطة جدا
أولها وأهمها هي إن احنا نطيع ملك الملوك ورب الارباب السيد المسيح "لأَنَّ لِكُلِّ أَمْرٍ وَقْتًا وَحُكْمًا." (جا 8: 6)😇

وثانياً ..أننا منحاولش نفتش عن دواخل الناس وأننا نقف عند كل كلمة نسمعها
"أَيْضًا لاَ تَضَعْ قَلْبَكَ عَلَى كُلِّ الْكَلاَمِ الَّذِي يُقَالُ، لِئَلاَّ تَسْمَعَ عَبْدَكَ يَسِبُّكَ." (جا 7: 21)🧐

ثالث حاجة وهي حاجة مهم نفهمها إن عمل ربنا مستحيل حد يقدر يعمل ربعه
حتي او اننا نستبدل عمل الله بعمل ايدينا "رَأَيْتُ كُلَّ عَمَلِ اللهِ
أَنَّ الإِنْسَانَ لاَ يَسْتَطِيعُ أَنْ يَجِدَ الْعَمَلَ الَّذِي عُمِلَ تَحْتَ الشَّمْسِ
. مَهْمَا تَعِبَ الإِنْسَانُ فِي الطَّلَبِ فَلاَ يَجِدُهُ، وَالْحَكِيمُ أَيْضًا، وَإِنْ قَالَ بِمَعْرِفَتِهِ، لاَ يَقْدِرُ أَنْ يَجِدَهُ." (جا 8: 17)✋

ولأن ختامها مسك ..بيختم سليمان الحكيم السفر كالآتي
"فَلْنَسْمَعْ خِتَامَ الأَمْرِ كُلِّهِ: اتَّقِ اللهَ وَاحْفَظْ وَصَايَاهُ، لأَنَّ هذَا هُوَ الإِنْسَانُ كُلُّهُ." (جا 12: 13)😉

السفر مش تشاؤمي ولا حاجة ... الكل باطل بالتأكيد لما تكون بعيد عن ربنا ..
لما تعتمد ع نفسك وقوتك يبقي كله باطل ..
لما تفتكر إن بدراعك تقدر تعيش محمي يبقي الكل باطل .
.لما تشتغل ويبقي معاك فلوس كتير بس بتتصرف فيها بطريقتك وبمزاجك يبقي الكل باطل .
..لكن لما تطلب إرادة ربنا ومشيئته وتسلمله حياتك
وكل امورك مش بس هتجد منفعه تحت الشمس لكن كمان اللهَ يُحْضِرُ كُلَّ عَمَل إِلَى الدَّيْنُونَةِ ودا الأهم♥