زوّادة اليوم: ما تخلي حدا بردان : 12 / 1 / 2020 /

[souad jaalouk]

زوّادة اليوم: ما تخلي حدا بردان

بيخبرو عن صبي زغير اشترولو اهلو جاكيت و برنيطة صوف جداد. هنّي و راجعين عالطريق بيشوف بنت زغيرة واقفة حافية بالبرد و الشتي عم تبيع محارم و تيابها رقاق كتير. قال الصبي لأهلو: فيّي اعطي جاكيتتي و البرنيطة لهالبنت؟ انا عندي تنين بالبيت بعدُن مناح عليّي! فرحو الأهل بتفكير ابنن اللي مع انّو زغير عندو قلب محبّ كبير.
الدفى مش بالفرو السميك و ماركة الجاكيت اللي لابسينها، الدفى الحقيقي بيكون بالقلوب! انّك تحسّ بوجع غيرك و تعمل قد ما بتقدر حتّى تساعد ساعتها بتكون دفيان! لو قاعد حد كل شي في دفايات و عندك كل وسائل التدفئة بس قلبك بارد بتكون انسان بارد!...يا رب انت اللي ولدت بمغارة بعز الشتي، ما تخلّي حدا بردان بهالطقس! الله معكن