تعهدات فمي باركها يارب ( مز119 )
قوله يارب بشكرك لانك اديتني فرصة جديدة
أيام جديدة فيها وعود وتعهدات جديدة
أيام عدت بكل مافيها من حلو ومر
من قيام وسقوط من نجاح وفشل
من حب وكره من صلاة وفتور
من عمل وتراخي من امانه وخيانه
من قاعده حلوه معاك وساعات مقدسة
لوقت ضايع مهدر بدون اي لازمه
من قاعده حلوة مع اسرتي وفرح ومرح وتقارب
من تشجيع لناس كنت انت الوحيد اللي بتشجعهم وسط ناس محبطة
مع بدايه يوم جديد قوله يارب تعهدات فمي باركها
انا هااوعدك تاني واقولك هااركز في صلاتي اكتر
هاسامح اكتر وهاهتم باسرتي اكتر
هاعمل خير اكتر وهبطل اي خطية محبوبه
بس ارجوك يارب ساعدني اني اكمل
مش عايز اكون زي كل مره ابدا ومااكملش
ارجوك يارب تعهدات فمي باركها
