باك تو سكول (الجزء التاني)

[walaa farouk]

مشغولين في الاستعداد للسنه الدراسيه من مستلزمات ودروس وتمارين وتظبيط مواعيد ..
بس مش عايزين ولادنا يشوفوا الموضوع بشكل سلبي .
. فخليهم يفكروا معانا في الاستعدادات اللي تفتح نفسهم .
انهارده هقولكوا علي حبه افكار لطيفه وخفيفه ومتوفره في كل البيوت
وانا واثقه ان عندكوا افكار احلي واحلي .
1- خليهم يحضروا معاكوا مكان المذاكره .. لو مكتب او طرابيزه ..
ممكن تظبطوا الحجره وتغيروا مكانهم كنوع من انواع التغير
ونحط لوحه ( مكتب الاستاذ دودو ، مكتب الفنانه لولو )📘📙
2- ممكن ندق مسمار او نختار رُكنه في البيت للشنطه
ونحط لوحه ظريفه كلها اللوان Put Your Bag Here وهما اللي يعملوها ويلونها
، وممكن واحده تانيه للجزمه و اليونيفورم .
او مثلا لو عندكوا ادراج بلاستك او علب الجزم حطوها فوق بعض
وكانها درف او ارفف دولاب والوان و جليتر وحركات
وكل علبه بأسم يوم متحضر فيه الشراب والتوكه او التيشيرت او الغيار
..بحيث يصحي الصبح متسمعيش فين لبسي ..تعالي طلعيلي اللبس 😅😅 📝📄
3- جدول يكتبوه معاكوا في مواعيد التمارين⚽🎾
والدروس من اول ما ندخل من البيت لغايه ما ننام وهنذاكر من امته
وهناخد راحه امته وهنعمل ايه في الراحه وهكذا ... تشويق تشويق 😍😍
4- يختاروا مثلا .. كل يوم بعد المذاكره في فتره ترفيهيه لمده ربع ساعه
.. البيت كله هيلعب او اي حاجه تختاروها ..
هنلعب افلام ..اونو .. السلم والتعبان ..هنتفرج علي حلقه توم & جيري
.. هناكل الكيكة اللي بتحبوها 🍞🍩🍮 .. اي تحفيز نخلص بيه المذاكره .🎨🎤🎬
5- نختار مثلا واحد فينا بالترتيب يكون هو المسؤل عن ظبط المنبه ⏰
وانه يصحي البيت ..وطبعا ماما لا تعتمد عليه 😀 وهو اللي يصحي اخواته وبابا
. بطريقة خفيفه كنوع من انواع المساعدة في الصحيان وميتعبوكيش .
6- ممكن نعمل Menu للأكل كل اسبوع في ورقه ظريفه كده
ونكتب عليها ( مطعم الهنا ) ورسم واللوان ، بدل ما تحتاري انت ( اطبخ ايه )
هما يحطوها معاكي ، وانت بتنزليهم الصبح قوللهم ..
( هترجعوا تلاقوا الملوخيه جاهزه ) .😂😂 🍤🍖🍜🍚🍗🍟🍔🍕
صدقوني انا بس كتبت البوست نفسي اتفتحت علي المذاكره ما بالكوا العيال بقي😀😀😀
.. فكروا واخترعوا وابتكروا وصوروا لنا عملتوا ايه وشجعونا نشجع بعض بافكار ايجابيه .