|
 |
 |
 |
|
رقم المشاركة : ( 1 )
15 - 08 - 2019, 04:50 AM
|
|||||||||||
|
|||||||||||
 اول انكلوزيف نظرية "ابو بلاش كتر منه" ، مسيطرة علي العقل الجمعي الإنساني و بالذات في بلادنا العزيزة !! قاللي مرة مدير فندق شهير جدا أن من غير عرض "الأول انكلوزيف " ما حدش ح يجي المصيف ، لأنه كله عاوز كده !! و العرض ده يعني "٣ و جبات اوبن بوفيه و ما بينهم ، يعني طول النهار اكل و شرب باي كمية حتي بين الوجبات " !! و النتيجة؟؟ ناس يتاكل و ترمي، ما هو كله مدفوع تمنه حتي لو ما كلتوش !! و المنظر العام عاوز مراجعة و تأمل ، أطباق معكمة اكل ، ناخد منها قطمتين و الباقي يترمي، و بعدين نملا الطبق تاني و تالت، و ندوق تاني حتتين، و بعدين نرمي الباقي .. و الناس تامل لغاية ما الأكل يطلع من زورها، و لو طالت ترجع (اسف علي الكلمة) و تاكل تاني ما كانتش اترددت !! ده طبعا غير الحالة النفسية للناس و هي بتجري تعبي في الاطباق في سباق ماراثوني، و كأنهم ما شافوش اكل قبل كده، أو يلحقوا يخطفوا الاكل قبل ما يتشال من قدامهم (و ده اللي ما بيحصلش طبعا) .. الموقف المثير للانتباه، الأطباق العجيبة اللي بعض الناس بتعملها (بالذات الامهات لأولادها ) ، و فيها كله علي كله ، حادق علي حلو علي عيش علي فاكهة، و بكميات رهيبة ، و هم متأكدين تمام ان كله ح يترمي، و انه حتي لو دقت لقمة و رميت الباقي، ده حقي!! و النتيجة؟ خناقات و عصبية ، و تخمة و سمنة ، ووخم و نعس ، و امراض مخيفة (ضغط و كولسترول و سكر ، و ما خفي كان أعظم!!) .. العقل زينة .. و الاكل بيخدم الجسم و يبنيه مش يضره و يؤذيه .. و اللي بيحب نفسه و بيحب غيره بجد ، يأكل و يأكل غيره بس اللي يفيده، و ما يرميش اللي الغلابة متمنية منه لقمة واحدة .. 
|
 |
| أدوات الموضوع | |
| انواع عرض الموضوع | |
|
العرض العادي
