رقم المشاركة : ( 1 )
|
|||||||||||
|
|||||||||||
الستات فى مصر مش حمالة اسية ولا ب 100 راجل 🤦♀️.. الستات شالت شيلة مش شيلتها 🙆♂️ وبقت مسجونة فيها وكل ما واحدة تتكلم يتقال لها " مش انتوا اللى عاوزين تشيلوا مش انتوا اللى اندبندت طيب شيلوا بقى" 😕 الادوار اتلخبطت مش بس على الستات لا على الرجالة كمان ،😔 بعد ما كان الراجل 👨عارف دوره كويس هو العائل الاساسى وصانع القرارت هو الحامى والساند لكل البيت والست دورها 👱♀️ كان الام المسؤلة عن البيت والاولاد الراعية لكل من فيه ساعتها كانت الحياة بسيطة وكل طرف عارف دوره كويس بدأت بعدها المطالبة بالحرية والمساواة بين الراجل والست وبدأت المسلسلات والافلام 🎞📺تصور الرجالة على انهم اعداء المرأة وانهم مش قادرين يواجهوا الستات الخارقات الذكاء😎 وان الست قادرة تعمل كل اعمال الرجال 💪 ومش صعبة يعنى زى ما انتوا فاكرين فى المرحلة دى الستات كانت عارفة هى عاوزة ايه 🧐 والرجالة دخلوا فى مرحلة حيرة وصدمة🥺 من الدور اللى كان حيلتهم واتسحب منهم بالتدريج دلوقتى الستات هن الاوضح فى الصورة 🙋♀️ بتشتغل وبتصرف على البيت ويمكن زى الزوج واكتر بتودى النوادى بتذاكر مسؤلة عن مهام البيت حتى لو معاها مساعدة وبقى دور الراجل مهمش للاسف والرجولة رجعت ورا كتييير والجملة اللى كل يوم نسمعها من اى ست "هو بقى فى رجالة اساسا" انتوا اللى عملتوا كده لما اتفتح القفص وخرجت الستات شايلة دورها الفطرى واخدت معاه دور الراجل كمان بقت الشيلة تقيلة والادوار اتلخبطت والاقى رجالة كتير قاعدين فى البيت يربوا الاولاد والست هى اللى بتشتغل 🤷♀️ غيرنا فى الفطرة اللى ربنا خلقنا بيها وعقلنا مبقاش مستوعب.. طب والحل؟ ارجعى رتبى مسؤلياتك 📝وشوفى اللى تقدرى عليه واللى فعلا مسؤلياتك واعمليه والباقى هيكون على الزوج 👨 المسؤل هو كمان معاكى والكلام ده مش بس للى لسه داخلة على جواز👰 وعاوزة تحدد المسؤليات من دلوقتى لأ ليكى انتى كمان 👉 حتى لو بقالك سنين شايلة من حقك تقولى انا تعبت انا محتاجاك تشيل معايا وتقعدى ترتبى افكارك وتكتبى كل اللى بتقومى بيه وتشركيه معاكى فى توزيع المسؤليات بينكم انا عارفة ان الموضوع ممكن يكون صعب شوية فى الاول بس كده الحياة هتختلف وهتحسى ان فى وقت ليكى وانك مش لوحدك اللى شايلة المسؤلية ويفضل القرار قرارك 🤔وفى ايدك ياترى ناوية تشركيه فى الشيلة ولا ناوية تكملى حمالة اسية |
29 - 07 - 2019, 03:02 PM | رقم المشاركة : ( 2 ) | |||
..::| مشرفة |::..
|
رد: هو بقى فى رجالة اساسا
للاسف فيه رجاله استحلت كدا-- و فى الزمن دا فيه فعلا ستات بتبقى مصدر رزق اكثر من الراجل -- لكن الراجل للاسف مش بيردا يشيل مع الست-- الموضوع مشاركه-- مش مين شيلته ايه-- الزمن اتلخبط و الفرص اختلفت و المفروض الاتنين واحد المفروض بكل محبه بتشاركوا زى ما بيحصل فى اى حتى فى العالم-- مش مشكله ان الست نزلت الشغل-- مشكله ان الراجل المصرى بيعاقب الست انها نزلت الشغل-- و بيضغط عليها بزياده-- و بيتحلى القاعده و رمى كل المسئوليات عليها-- و رغم انها بتبقى شايله البيت -- هو لا يرحم و يساعد --مستخبى خلف جمله:" مش انتى عايزا مساواه-- طب اشربى" لا مساواه يبقى ساعتها الست ترجع البيت متعملش حاجه زى ما معظم الرجاله بتعمل فعلايا-- مبداء المشاركه مش موجود عندنا -- فكرا سى السيد هو الى يشتغل و يصرف و لو حصل غير كدا يبقى مش راجل دى هى الى غلط فى تفكير الراجل نفسه -- |
|||
29 - 07 - 2019, 03:09 PM | رقم المشاركة : ( 3 ) | ||||
† Admin Woman †
|
رد: هو بقى فى رجالة اساسا
وانك مش لوحدك اللى شايلة المسؤلية
ويفضل القرار قرارك وفى ايدك ياترى ناوية تشركيه فى الشيلة ولا ناوية تكملى حمالة اسية مشاركة جميلة جدا ربنا يبارك حياتك |
||||
01 - 08 - 2019, 01:25 AM | رقم المشاركة : ( 4 ) | ||||
..::| الإدارة العامة |::..
|
رد: هو بقى فى رجالة اساسا
ميرسى على مروركم الغالى |
||||
أدوات الموضوع | |
انواع عرض الموضوع | |
|
قد تكون مهتم بالمواضيع التالية ايضاً |
الموضوع |
مش كل اللي بيضيع من بين ايدينا اساسا كان ملكنا |
انا هتكسف اطبخ فيه اساسا |
من ده اساسا اللي يقدر يقول كدا |
انا اساسا معفن |
انا مبحبش الكوره اساسا |