باد بوي" Bad boy "

[walaa farouk]

ياتري البنت بتحب الباد و لا الجود ؟🤔
ايه الباد بوي ده الاول ؟
طبعا انت فرحان بالكلمة .. انك واد باد بوي مقطع السمكة و ديلها زي ما بيقولوا ..
سجايرك في ايدك مع موبايلك .. و كلامك مع البنات الكتير .. و كلامك اللي فيه حوارات و تنطيط و كده

احب اقولك من واقع خبرتي المحدودة .. اني اسف
طبقآ للتجارب الحياتية اللي ظهرت قدامي في العلاقات العاطفية و الارتباط
ان البنت بتحب الجود بوي Good boy 😀
بيحبوا ابن ربنا زي ما بنقول بالبلدي .. و بمعني اخر بيحبوا رجال الله
يعني اللي متواجدين في الكنيسة و اللي سلوكهم متزن و معتدل و اخلاقياتهم متزنة.

حتي لو وافقوا علي الباد بوي bad boy
بيكونوا متوقعين تغيره او انهم يغيروا فيه بعد الجواز و دي النظرية الفاشلة.

بس خلينا نقول ان اولاد الله مشتهين جدا
الكل بيحب يتعامل معاهم .. و البنات تميل ليهم
و طبعا العكس صحيح للولاد بيحبوا Good girl.

علشان البنت بتكون محتاجة انسان يحافظ عليها
لا يأذيها و لا يضربها و لا يشتمها و لا يهينها جسديآ
محتاجة كمان تطمن علي ولادها في جو نفسي صحي

ده كمان حتي البنات اللي سلوكهم مش حلو بيتمنوا اولاد الله .
. علشان عرفوا المرارة مع الاخرين.

فاللي يقولك ياض تعال هخليك صايع و مدردح
قوله انا بيكراش عليا كتير جوه مجتمع نفسي سوي

طيب ممكن ناس جوه الكنيسة و وحشة؟
طبعا ده ممكن يكون خادم و وحش عادي جدا
لكل قاعدة استثناء

يبقي و انتي بتختاري تتأكدي من الشخص
الخطوبة اتعملت علشان نفهم بعض اكتر.
و نظهر اكتر لبعض.

و بقولك لو في حياتك شخص شتام و عدواني و عصبي
و فيه صفات صعبة مفيش اي دافع يجبرك انك تكملي معاه!! بلاش تأذي نفسك ..

و انت لما تختار خليك مع الانسانة اللي فعلا تشعر بارتياح معاها مش مجرد تنخدع بمظهر
لكن خد الامور عموما متكاملة ..
علشان في النهاية منوصلش لكده 👇
(( انْجَذَبَتْ أَنْظَارُ أَبْنَاءِ اللهِ إِلَى بَنَاتِ النَّاسِ فَرَأَوْا أَنَّهُنَّ جَمِيلاتٌ فَاتَّخَذُوا لأَنْفُسِهِمْ مِنْهُنَّ زَوْجَاتٍ
كَمَا طَابَ لَهُمْ.فَقَالَ الرَّبُّ: "لَنْ يَمْكُثَ رُوحِي مُجَاهِداً فِي الإِنْسَانِ إِلَى الأَبَدِ. هُوَ بَشَرِيٌّ زَائِغٌ"
تك ٦ : ٢ ، ٣

[Mary Naeem]

و انت لما تختار خليك مع الانسانة اللي فعلا تشعر بارتياح معاها مش مجرد تنخدع بمظهر
لكن خد الامور عموما متكاملة

مشاركة جميلة جدا
ربنا يبارك حياتك

[walaa farouk]

ميرسى على مرورك الغالى