القديس مينا سمير

[مورا مرمر]

على لسان اخت مينا
القديس مينا سمير صبحي طالب ف تانية طب بشري سوهاج مواليد 5/4/1999
منذ الصغر وهو طفل جميل واه علاقة حلوة جدا بربنا كان لما يصلي ويطلب علامة من ربنا رغم صعوبة العلامة وهي انه ينفخ ف شمعة ومتتحركش لهبها وفعلا يستجيب له ربنا دايما والحاجات ديه تبقى احسن حاجة
وكبر وسط محبة كبيرة لكل الناس مبيشيلش من أي حد وزي ما قالوا بيتلكك عشان يساعد الناس ف أي حاجة يحتاجوها حتى لو مطلوبش بمجرد ما يحس ينفذ كان بيخدم أسر مستترة وأخوة رب وهو ١٦ سنة وده عرفناه بعد سفره للسما
كان محبوب وسط مخدومينه ابتدائي وثانوي وحتى الأكبر منه مشهووور جدا ف سوهاج وكل الناس عارفاه
في ث.ع لما سال والدته عاوزة مجموع كام فقالت له طب بشري ٤٠٤-٤٠٥ فقال لها حاضر هاجيبه وهتشوفي وفعلا جابوا بالطبع ٤٠٤,٥ بكل ثقة وايمان
دايما يقول متعرفوش إنتوا مين مينا سمير هييجي يوم تمشي تفخري وتقولوا أنا مامة مينا سمير
محبوب جدااا ومحب للجميع عمر الضحكة مفارقت وشه في سلام داااايم مع نفسه مهما كانت الظروف حواليه
متحمل للمسئولية بشكل اكثر من رائع قبل سفره بيوم شرح لمامته طريقة سفره fracture base of the skull بالظبط وقبل سفره كان معترف الخميس ومتناول الجمعة الصبح وسلم على اغلب الناس ما لم يكن كلهم وكلم الباقي أو مسجات خلال الأسبوع ده ومحدش يزعل مني لو في حاجة ليكون سفره يوم الجمعة ١ ظ نفس يوم ما أتناول بالظبط 19/10/2018
ليصر يوصل مامته ويقول لها أنا مسافر مسافر ومش بعربيتي ولا أنا اللي سايق وهاطمنك لما أوصل هناك وهتفرحي
ذهب لاحد مخدومينه وركب السيارة بتاعة الولد اللي طلع معهوش رخصة وللأسف ساق الولد بسرعة كبيرة أدت لقلب العربية ويطلع الولد سليم بدون أي خدش ومينا يسافر السما ف الحال بكسر ف قاع الجمجمة كما شرح لوالدته
ورفض الأهل عمل قضية للولد رغم شهادةشهود كثيرة وطب شرعي ونيابة لكنهم تركوا قضيتهم عند ربنا وحفظوا مستقبل الولد
ومن ليلة سفره وتاتي للبيت تعزيات سمائية من رؤى لرهبان وكهنة مشهود بقداستهم وأيضا قبل سفره بأيام حدثت رؤيا لاحد الأمهات ترى العدرا مريم تستقبله ف الكنيسة بزي الشمامسة وتكون جنازته تسمى #مظاهرة_حب والعزاء لمدة آل ٣ أيام يمتد خارج القاعة محدثا قلق والناس تقول هو الكبير بتاعكم مات ؟ وكما قال الكثير تعدت الجمعة العظيمة وسمي يوم سفره بالجمعة الحزينة ومازال الله يعمل ف قديسه وياتي للناس ف حلم يطمئنهم ويحقق ما يريدوا وريحة بخور عند ذكر اسمه أو طلبه من البعض
هذا هو مينا سمير صبحي
باختصار
جداا
رغم قصر أيامه لكن فعلا كما قال عنه اباء كثيرين نجح بسرعة فاستوفى سنين كثيرة فخطفه الرب وباقي اصحاح حكمة ٤

[Mary Naeem]

ربنا ينيح روحه في احضان القديسين

[walaa farouk]

ربنا ينيح روحه فى فى ملكوت السموات