|
 |
 |
 |
|
رقم المشاركة : ( 1 )
10 - 07 - 2019, 11:18 AM
|
|||||||||||
|
|||||||||||
 الغربه مش مشكلتها انها مره زي ما كان بيتقال زمان... مشكله_الغربه_الحقيقيه؟!! انها بتحولك الي كائن مشوه مش عارف انت بترتاح فين و لا ازاي. طول ما انت مش في بلدك عايش في انتظار فتره الاجازه علشان تقابل اهلك و حبايبك ، بس طول ما انت في فتره الاجازه بتلاقي نفسك غريب وسطهم.. مشكله المتغرب انه داس Pause علي اخر مشهد ليه قبل السفر ، و لما بيرجع بيبقي عاوز يدوس Play لكن للأسف بيلاقي المشهد مختلف تماما ، الأصدقاء بيتكلموا في مواضيع انت متعرفهاش، الأهل بيتكلموا عن مواقف و احداث انت معشتهاش، حتي النكت انت مش فاهمها علشان فايتك كتير من الأحداث ، انت بتبقي نازل و معتقد ان الناس حيقيدوا صوابهم شمع علشان يبسطوك الفتره اللي انت نازلها إنما الحقيقة ان كل واحد فيهم مربوط في ساقيته و بيلف فيها ، و انت بالنسبه لهم عبأ عليهم، معاد جديد في أجنده حياتهم بس معاد هما مش مخططين له، و اللي بيجي لك مره مش حيجي التانيه الناس اتعودت علي حياتها من غيرك و وجودك المفاجئ بيربك حساباتهم ، بتكتشف لما بتنزل إجازتك انك غريب اكتر من غربتك في الغربه ، و الغربه من ضمن تشويه كيانك بتعلمك تحزن في صمت ، وفاه اقرب الأقربين إليك بتبقي مجرد خبر ، حزنك لازم يمر في صمت ، كل اللي مسموح لك في حزنك انك تبكي لوحدك لما تبقي لوحدك ، حتي فرحك بيمر في صمت ، مبتعرفش تحضن حد و لا تشوف لمعان عينيه و هو بيقول لك خبر سعيد، كبيرك مكالمة تليفون في وقت الحدث تهنئ بيها ، احاسيسك كلها بتبقي مكتومه جواك ، بتحزن جواك و تفرح جواك . الصراحه الغربه_مش_مره الغربه_مسخ. 
|
|
10 - 07 - 2019, 11:58 AM
|
رقم المشاركة : ( 2 ) | ||||
|
† Admin Woman †
|
رد: الغربة مش مرة الغربة مسخ
كبيرك مكالمة تليفون في وقت الحدث تهنئ بيها ،
احاسيسك كلها بتبقي مكتومه جواك ، بتحزن جواك و تفرح جواك صح الكلام ربنا يباركك |
||||
|
|
|
10 - 07 - 2019, 11:34 PM
|
رقم المشاركة : ( 3 ) | ||||
|
..::| الإدارة العامة |::..
|
رد: الغربة مش مرة الغربة مسخ
ميرسى على مرورك الغالى  |
||||
|
|
 |
| أدوات الموضوع | |
| انواع عرض الموضوع | |
|
| قد تكون مهتم بالمواضيع التالية ايضاً |
| الموضوع |
| الغربة |
| الغربة |
| الغربة... |
| ارض الغربة |
| الغربة |
العرض العادي
