العالم بحاجة ان يري فينا المسيح

[walaa farouk]

الموضوع دا مخصوص للاباء الكهنة و الخدام:
- الكهنوت نعمة و ابوة و ليس سلطان او ادارة
- الايدي التي تساعد و تطبطب علي الفقراء
و الضعفاء اكثر قداسة من الشفاة التي تصلي و تعظ
بدون عمل رحمة.
- عملكم لا ان تكونوا وسطاء بين الله و الناس
انما ان تكونوا مثل الرب يسوع تجولوا تنشروا رسالة الخلاص،
تحملون اتعاب الناس و تقدونهم لمعرفة المسيح
*منذ ايام قليلة كنت جالس مع احد الاباء الكهنة المملوءين نعمة
و لاحظت مقدار الانسانية التي يتعامل بها مع شعبه و اولاده
، كنت شايف يسوع الحلو اللي انا بحبه ،
ابونا بيضحك في وش كل حد و بيهون علي كل حد .
لما طفلة صغيرة جاية مع امها و معها تحاليل ان عندها السكر
، ابونا خدها في حضنه و طمنها ،
ست عجوز جاية بتشتكي من قساوة الحياة ،
شخص واخته جاين من ايبارشية تانية
بيشكوا من قسوة المرض و الفقر و ابونا بيبتسم ليهم
و بيطمنهم و بيتعهد انه هيساعدهم ،
شاب بيحكيله انه محتاج عملية مكلفة
، ابونا قاله متقلقش الفلوس هتدبر ،

* من المواقف الجميلة اللي شوفتها
، ست بسيطة بتقوله ابونا انا كنت اخدت منك فلوس
علشان عملية لجوزها و اتضح انه مش محتاج عملية ، فحبيت ارجع الفلوس لقدسك لو قدسك محتاجها او تديني منها جزء صغير بركة
ابونا بكل ابوة قالها يا بنتي الفلوس اللي طلعت من المسيح
مترجعش تاني ، خلي الفلوس معاكي يمكن تحتاجي ادوية او حاجة.

+ بحلم ان كل اباءنا الكهنة و الخدام
يمتلكون هذا القدر من الانسانية و الرحمة و الاستنارة
+ ابويا الاسقف ، ابويا الكاهن مش هتعرف تاخد معاك مباني و حيطان السماء لكن تقدر تاخد نفوس تشهد عن امانتك و خدمتك و رحمتك
+ ابويا الكاهن ، اخويا الخادم ، العالم الان ليس بحاجة الي متكلمين يجيدوا فن الخطابة و الكلام ،
العالم بحاجة ان يري فينا المسيح الذي يقدم الحب و الرحمة لكل احد.

[Mary Naeem]

العالم بحاجة ان يري فينا المسيح الذي يقدم الحب و الرحمة لكل احد

صح يا قمر
ربنا يباركك حببتي

[walaa farouk]

ميرسي على مرورك الغالى