البصق المعنوي

[walaa farouk]

حينئذ بصقوا عليه (متي ٢٦ : ٦٧) ..
واحدة من اصعب الآلام النفسية اللي بيدوقها إنسان ..

و البصق هنا يعني الاهانة و التحقير !! و فيه ناس طول النهار بتعمل كده في بعض..

واحد يشهر بواحد و يتكلم عليه بأسوأ كلام و يستبيح سمعته أو عرضه أو شرفه
، أو يكتب عنه كلام يدمر حياته .. يمكن "البصق" الحرفي ارحم من "البصق" المعنوي ده !!

واحد يشتم واحد أو يهينه قدام الناس أو قدام أصحابه أو عيلته أو زوجته أو ولاده ، بيقتله حرفياً ..

او واحد بيهمل أو يتجاهل صديقه أو قريبه أو زميله أو شريك حياته ،
أو ما يردش علي تليفونه أو رسايله، بيموته فعليا..

او واحد بيتهم واحد زور أو يشنع عليه أو يلزق فيه تهمة و هو بريء منها ،
بيدبحه بسكينة تلمة ..

او واحد يكسر نفس واحد و ما يصالحوش
، و يسيبه يتشوي في نار زعله ، بيعذبه و يسلخ مشاعره ..

و انواع "البصق " المعنوي كتير ..

قلبي معاك لو كنت موجوع ، و ربنا ح يرجع لك حقك ؛
هو الوحيد اللي حاسس بيك لأنه اتعمل فيه كده في الالامه..

و باحذرك لو كنت بتعمل كده في الناس ،
لأن شرف إنسان و سمعته هي أغلي ما عنده، و لو قاتل قتل إنسان بيبقي مرة واحدة
، لكن انت بتقتل الناس كده كل يوم و كل اليوم ..

و القاتل ، بعد ما بيقتل، نفسه بتتسلط عليه ، فبتقتله كل ساعة..
و اللي عمله للناس ، ح يتعمل فيه هو من جوه : نار و عصر و عذاب و سلخ نفسي
، و بال ميشوفش لا نوم ولا راحة ..

[Mary Naeem]

قلبي معاك لو كنت موجوع ، و ربنا ح يرجع لك حقك ؛
هو الوحيد اللي حاسس بيك لأنه اتعمل فيه كده في الالامه..

مشاركة جميلة جدا
ربنا يبارك حياتك

[walaa farouk]

ميرسى على مرورك الغالى