زوّادة اليوم: إنت إبنو

[souad jaalouk]

زوّادة اليوم: إنت إبنو
بيمرق ايّام انت ما بتكون انت..
بيمرق ايّام ما بتعرف شو بدّك...لا بدّك تقعد مع الناس و لا طايق تبقى وحدك، لا بدّك تضلّ بالبيت و لا بدّك تضهر. بتكون مش عا طبيعتك و انت ما بتعرف السبب و المشكلة انّو ما عندك تفسير لهالشي و اذا حدا سألك ما بيكون عندك جواب.
بتصير تسأل حالك وين الناس اللي دايما بيقولولك انّن حافظينك عن الغايب و بيحسّو فيك عا طول ليش هالمرّة ما عرفو انّي مش منيح؟ كتار من اللي حولنا بيفضلو يبعدو عا انّن يْوَجعو راسن بإشيا مش مفهومة و بتناقضات غيرن الغريبة...
بهيك وقت عَلّي عيونك صوب السما هونيك كل شي واضح و مفهوم، هونيك الكل حاضر يسمعك ساعة اللي انت تقرّر تحكي و ما حدا بيحكم عليك لو اللي حكيتو ما الو معنى بنظر الناس...هونيك نظرتن غير! بس تكون بهالوضع تذكّر انّو شي محل بهالدني بالعتمة في صخرة سودا واقفة عليها نملة سودا و ربنا شايفها! كيف بالأحرى انت ابنو!...الله معكن

[walaa farouk]

ميرسى على زوادة اليوم

[Mary Naeem]

بس تكون بهالوضع تذكّر انّو شي محل بهالدني بالعتمة في صخرة سودا واقفة عليها نملة سودا و ربنا شايفه
ميرسى على زوادة اليوم

[souad jaalouk]

ألف شكرٍ على المرور الغالي