09 - 05 - 2019, 07:56 AM
|
|
|
|
..::| الإدارة العامة |::..
|
|
|
|
|
|
بتنازل يارب ..بتنازل يارب عن حلمى
اللى قطع نفسى وشحتفنى.
بتنازل يارب عن حلمى
اللى اوقات خلانى استخدمك علشانه
واخدك سكه وطريقه لتحقيقه
بتنازل يارب عن حلمى اللى حطك ورايا
بدل ماتكون قدامى وجنبى
بتنازل يارب عن حلمى.. اللى كان محور صلاتى
وتكرار محاولاتى
بتنازل يارب عن حلمى.. اللى كل دقه ونبضه جوايا
كانت ملهوفه عليه وشوفت قيمتى فيها وحياتى فى وجوده
بتنازل يارب عن حلمى...اللى لما مبتسمتش
غير لما لمحت طيفه من بعيد و ربط سعادتى بخطوات قربى منه
بتنازل يارب عن حلمى ..اللى كان هو سبب ثورتى
وفجر بركان غضبى وبمنتهى الجحود والنكران انكرت معروفك
بتنازل يارب عن حلمى.. اللى يمكن اتاخر وطال
و خلى الممل والياس يلاقى سكناه فى قلبى
..بتنازل وانا عن كل حاجز بنيته بينى وبينك وسميته .."حلم"
بتنازل. ..عن حاجات خدت منى سنين ووقت وطاقه ومشاعر ومجهود ..خدت منى "انت" ..بتنازل عن كل حلم حطنى
فى سكه توهان ووهم وحرمنى
من اللى ميتعوضش ...حضن "بابا"
بتنازل وبامتنان شديد بفرد ايدى وبفرط علشان قررت اختارك
|
