بيتك هو كل اللى ليك

[Mary Naeem]

بيتك هو كل اللى ليك

اللى بيعيش الناس فى ذل ومهانة ده إبليس وكل واحد من البشر بيعمل كده مع أولاده مع زوجته مع والديه هو عبد لإبليس
إبليس قتال منذ البدء وناشر للخراب والذل والمهانة
لكن
الله (وهنا مش بأصنع مقارنة حاشا لله)
أب صالح
خالق أمين
حتى وانا فى عمق أثامي بيشرق شمسه(خيراته) علىُ.. حتى وأنا رافض ألوهيته... حتى.....
وده مش لأنه موافق على اللى أنا فيه
لا
طيب ليه؟؟
لأنه الله كلي الصلاح.. طبيعته العطاء
احنا البشر للأسف مش كده
راجع قصة اسحق وعيسو.. رفقة ويعقوب
ومين بيميل لمين وليه؟؟؟
اكسر ابنك اكسر بنتك
اوع تديه.. خليه محتاجلك
يا عبد إبليس توب وكن عبد لله
راجع القصة اللى بنسميها الابن الضال
وموقف الأب من بجاحة الابن
ومحبته بعد رجوعه
ادى ابنك فى حياتك
بدل ما يأخد بعد ما تموت ويلعنك
قصة حقيقية اعرف افرادها
عم فلان معلم كبير كان بيعامل أولاده كالاجري
يشغلهم ويعطيهم اجرتهم واخر اليوم يلاعبهم كوتشينة وياخد منهم اجرتهم
اكبر اولاده طلب من ابوه يتحوز
قاله منين؟؟ كون نفسك اتجوز من عرقك يااخويا
الواد حرق نفسه!!!!
بعد مرور الزمن عم فلان مات
قبل ما يتدفن اتلموا عليه قلعوا له اسنانه الذهب
بعد ما دفنوه
سبوا لبعض الدين
وورثوه
اكوام فلوس واراضى وعقارات
ما كان من الاول
بص على نص عجيب رائع
[هُوَذَا الْمَرَّةُ الثَّالِثَةُ أَنَا مُسْتَعِدٌّ أَنْ آتِيَ إِلَيْكُمْ وَلاَ أُثَقِّلَ عَلَيْكُمْ. لأَنِّي لَسْتُ أَطْلُبُ مَا هُوَ لَكُمْ بَلْ إِيَّاكُمْ.
(لأَنَّهُ لاَ يَنْبَغِي أَنَّ الأَوْلاَدَ يَذْخَرُونَ لِلْوَالِدِينَ، بَلِ الْوَالِدُونَ لِلأَوْلاَد)ِ. (2كو ١٢ : ١٤)]
فك كيسك على بيتك
بيتك هو كل اللى ليك .

[Ramez5]

موضوع رائع ومثمر
ربنا يبارك خدمتك

[Mary Naeem]

شكرا على المرور