الفرق بين مشاعر الانسان قبل وبعد وفاة (فلان)

[walaa farouk]

قبل الوفاة:
انا ماشفتش فيه حاجة واحدة حلوة .
بعد الوفاة:
المرحوم كان فيه شئ رائع اوي بتعلمه منه اوي وهو ........

قبل :
انت فاشل
انا مش فاشل انا بعدي ف مرحلة صعبة
وواثق ان ربنا اله نجاحي هيطلعني منها
بعد :
في احضان الابرار والقديسين ياحبايبي
محدش يحزن ابداً عليه ده كان انسان عظيم

قبل :
ياه هو جه يادي الخنقة
بعد:
فلان وحشني اوي ياه لو يرجع ولو ليوم واحد

قبل :
ياعم روح انت فاكر اللي عندك دي موهبة
بعد:
احنا النهاردة فقدنا قيمة كبيرة اوي كانت مؤثرة جدا

ومات (فلان) .. يمكن لو كان شاف كلمة
بس من اللي قالوها الناس بعد وفاته
كان عاش عمر زيادة او عاش كام يوم فيهم بهجة وحياة
.. حاول تعامل اللي حواليك بنفس المشاعر والاهتمام
ده هو محتاجه وهو حي مش هايفيده بحاجة وهو ميت
.. الحياة قصيرة جدا وسريعة ، قول كل اللي في قلبك للاشخاص اللي بتحبهم سواء كلام حلو او كلام تشجيع او كلام عتاب
و لوم او اعتذار او تقدير .. قبل ما تيجي لحظة يكون نفسك تعبر عن كل مشاعرك لكن للاسف يكون الوقت فات .

[Mary Naeem]

الحياة قصيرة جدا وسريعة ، قول كل اللي في قلبك للاشخاص اللي بتحبهم سواء كلام حلو او كلام تشجيع او كلام عتاب
و لوم او اعتذار او تقدير

صح يا قمر
ربنا يباركك حببتي

[مورا مرمر]

موضوع جميل ومهم جدا فعل فى ناس مش بنقدر وجودهم وسطينا وبعد مابيسافروا السماء بنبدأ نحس بانهم كانوا فعلا مؤثرين فى حياتنا
يارب يفرح قلبك ويباركك بكل بركة روحية

[walaa farouk]

ميرسى على مروركم الغالى