زوادة اليوم: لأني ما بسمع

[souad jaalouk]

زوادة اليوم: لأنّي ما بسمع

بيخبرو عن مجموعة من الضفادع كانوا عم يتنقّلو بالغابة... تنين منّن وقعو بجورة وجرّبو يخلصوا حالن، بس محاولاتن كانت عم تفشل، لدرجة إنّو ضفدعة من الضفدعتين ماتت، وضلّت التانية عم بتجرّب تخلّص حالها، وكانو رفقاتها الضفادع عم بيقولولها بأعلى صوتن: «ما بقا تتعبي، أكيد ما في نتيجة، بعد شوي رح بتموتي». كانو عم بيصرخو بأعلى صوتُن، بس الضفدعة ما استسلمت حتّى طلعت من الجورة. ولـمّا شافت رفقاتها شكرتن ع تشجيعن وقالتلن: «بسبب تشجيعكن إلي، انتصرت وطلعت من الجورة». رفقاتها الضفادع تعجبّو من كلامها، حتّى اكتشفو بالآخر إنها طرشا، ما بتسمع.
الزوّادة بتقلّي وبتقلّك:
«ما تتأثّر بكلام الناس يلّي مرّات كتيرة بيضعّفلك عزيمتك... إتّكل ع الله وع حالك، بتنتصر ع كل الصعوبات».

[walaa farouk]

ميرسي على زوادة اليوم

[Mary Naeem]

إتّكل ع الله وع حالك، بتنتصر ع كل الصعوبات
آمين يا رب