زوادة اليوم: الصّيّاد والأرنب

[souad jaalouk]

زوادة اليوم: الصيّاد والأرنب

بيخبرو عن صيّاد مشهور بسرعتو.
بيوم من الإيّام تحدّوه كل أصحابو اذا بيقدر يركض ورا أرنب ويلقطو. جرّب بس النتيجة إنّو الأرنب سبقو، شمتو فيه أصحابو وقالولو: «معقول أرنب سبقك؟» جاوب بإبتسامة: «أكيد بدّو يسبقني، أنا عم إركض تأمّن عشايي، وهوّي عم يركض ت يخلّص حياتو».
الزوّادة بتقلّي وبتقلّك:
«الحياة أمانة غالية من الربّ، لازم نركض ونجاهد حتى نحافظ عليها».