ليه الأحلام بتموت

[walaa farouk]

تلات تربع أحلامنا بتموت، عشان الناس هتقول علينا إيه،
وعشان ما يصحّش، وعشان عيب وحرام،
وعشان ماما ممكن تزعل وبابا يقفش وطنط تاخد موقف!

وعشان اتربينا نفكّر في الخطوة، وخطوة الخطوة، وخطوة خطوة الخطوة
، قبل ما نعملها، وعشان عايزين نكسب بس، ومش مستعدّين نتحمّل الخسارة،
وعشان بنحب الأمان وبنكره الخطر، حتى لو كان هو الوسيلة الوحيدة للوصول للي إحنا عايزينه!

وعشان اتعلّمنا نتفرّج على الحياة بس مش نعيشها
، مع إننا في النهاية بشر مش ملايكة ولا قديسين ولا سوبر هيروز، بنضعف
، ونشتهي، ونخون، ونكذب، وننافق، وقلبنا بيتصرّف ضد إرادتنا ساعات،
وغريزة البقاء جوانا بتتغلّب على القيم والمثل العليا أحيانا.

لو ربنا كان عايز ناس ما بتغلطش، وما بتقومش من على سجادة الصلاة،
ناس أنقيا ومثاليين زي الكتاب ما بيقول، كان خلقهم،
ربنا منزّلنا بالأوبشن ده، عشان عايزه فينا، وحاببنا كده،
وعشان تفضل العلاقة بينا وبينه، رايح جاي، خطأ ومغفرة
، ثواب وعقاب، وصل وانقطاع، ربنا مش زعلان مننا، ولا واقف لنا على الواحدة،
قد ما البشر اللي حوالينا زعلانين مننا، ومستنيين لنا غلطة!

[Mary Naeem]

وعشان تفضل العلاقة بينا وبينه، رايح جاي، خطأ ومغفرة
، ثواب وعقاب، وصل وانقطاع، ربنا مش زعلان مننا، ولا واقف لنا على الواحدة،
قد ما البشر اللي حوالينا زعلانين مننا، ومستنيين لنا غلطة!

رووووووووووعة حببتي
ربنا يفرح قلبك

[walaa farouk]

ميرسى على مرورك الغالى