|
 |
 |
 |
|
رقم المشاركة : ( 1 )
12 - 11 - 2018, 09:01 PM
|
|||||||||||
|
|||||||||||
 التشجيع حاله خاصه من الإحتياج.. مشاعر بنحسها بتعدي بينا أي حاجز من العجز والخوف وبندخل بيها عالم الابداع والخيال الفني.. وبنتواصل بيها مع طفل جوانا مبسوط عشان بس حد قاله برافو أو مجموعة ناس كانت بتصقف له.. لو إبتسمت وإنت بتقرا الجمله إللي فاتت ف إنت تلامست مع مشاعر حقيقيه من التشجيع قبل كده.. متهيألي لو إديسون ماكنش عنده أم مشجعه مؤمنه بقدرات ابنها إللي إتقال عليه غبي ف المدرسه.. ماكنش بقى عالم.. للعلم فقط.. مفيش حاجه إسمها إنسان غبي.. لأن الذكاء مش نوع واحد .. والذكاء بتختلف نسبته من شخص للتاني ومن نوع للتاني.. ف نظرية الذكاءات المتعدده أبطلت إن فيه إنسان غبي. التشجيع بيحفر جوانا وبيخرج إمكانيات وقدرات جباره.. عشان كده في التشجيع.. محتاجين.. نؤمن بالأشخاص.. نؤمن إن الشخص ده لسه جواه طاقات أكبر ممكن لو شافت النور. . نؤمن ب هدفه وفكره وإللي عايز يوصل ليه.. نؤمن لو جاله إحباط.. ده مش هيخلي موهبته أو روحه تموت.. التشجيع بيعمل refresh للجمال إللي جوانا إنه يكون وسط كل تعاملاتنا بروحنا الحقيقيه. شجع ع الدوام.. ما تزهقش م التشجيع.. التشجيع ع الدوام بيكسر الصوره الذاتيه للشخص عن نفسه.. ف الأول مش بيصدق التشجيع.. لكن طاقات الحب المتكرره م التشجيع قادره تكسر صخور جوانا من الصوره دي عننا.. شجع كل ما هو قليل.. مهما كان المجهود مبذول ضعيف.. بس خليك فاكر الضعف ده مش كسل الشخص.. بس جوانا ضعف وخوف وعدم ثقه وتوقعات بالفشل.. فكل ده بيحاربنا .. ف ممكن القليل ده هو كان أقصى حاجه وقتها.. لكن ب مجادلة المنطق والمعتقدات المحورية بالتشجيع بيتكسر جوانا إللي فات.. ماتكدبش عشان تكون مشجع للناس.. وتقولهم كلام مش حقيقي ومش موجود وإلا إنت بس بتحاول تخلي الناس في صفك وتكون مسيطر عليهم وده إبتزاز ليهم وإستغلال لمشاعرهم.. كلنا فاكرين الكلمات إللي إتقالت من قلوب ناس كانوا بيشجعونا بس محدش فاكر الأحكام إللي حكم بيها غيرهم علينا.. إللي بتبني أسوار بين الإنسان ونفسه وبينه وبين العالم الخارجي التشجيع بيلمس الطفل إللي جوانا.. بيعيد التواصل معاه.. وخاصة لو إحنا إللي بنشجع نفسنا .. لأن تفاصيل الصوره كامله إحنا بس اللي هنشوفها كامله.. ياصديقي.. هتتفاجئ بنفسك بالمخزون إللي جواك إللي ممكن يبهر العالم كله... الابداع إللي جواك بيدفعه الألم مع التشجيع.. ياما ناس كان الألم أكبر حافز.. لأن عامل الإنجاز كان بيشفى جزء بسيط صغير جواهم.. وهتتفاجئ بنفسك بحاجات كان مستحيل تصدق إنك ممكن تعملها.. وعملتها.. لما هتكون مشجع لنفسك.. هتلاقي كل إللي حواليك بيشجعوا نفسهم زيك. . لأنك كنت النور إللي نور ف أراضيهم مش ف أرضك بس.. شجع نفسك بكل حاجه عملتها.. سلوك اتبسط بنفسك فيه. . خليك واقف ف مكانك لحظه مع نفسك وسقفلها 👏👏.. صديقي تستاهل.. بص وراك لحظه هتلاقي إللي مشيته مش قليل ومش سهل.. لو عايز تشوف كل حاجه بشكل سلبي وقاعد مكانك .. مش هتعرف تاخد خطوه ف حياتك قدام.. لكن لو كل حاجه سلبيه وإنت بتعافر ع الرغم م الإحباط.. ده حب بتقدمه لنفسك مش حاجه إيجابيه وبس.. إيه المشكله يكون عندي حلم ب الأوسكار أو نوبل أو جوايز محليه وعالميه كمان.. الإبداع إللي جواك كل ما تبدأ تنقيب فيه هتبهر كل إللي حواليك. . إنت مش قليل وإللي جواك مش قليل.. ما تخليش صورتك عن نفسك المشوهه تقتلك بالبطئ. إكتب معايا.. إيه الحاجات إللي بتحب تعملها.. اكتب القايمه.. رسم.. كتابه.. Voice over.. غنا...... إلخ محتاج تشوف إيه التدريبات إللي ممكن تساعدك تطورها.. ومن هنا هتعرف تتحرك فين وإزاي.. وكمل مهما كانت مشاعر الخوف بتلاحقك.. كمل.. لأنك تستاهل تقف ف يوم والناس كلها تصقفلك.. البذره الصغيره المهمله ف حقل كبير.. لما ترويها.. حصادها يغطي آلاف الناس.. تحيه مني لك ياصديقي لكل مشوار عافرت فيه.. 
|
|
13 - 11 - 2018, 09:59 AM
|
رقم المشاركة : ( 2 ) | ||||
|
† Admin Woman †
|
رد: التشجيع حاله خاصه من الإحتياج
البذره الصغيره المهمله ف حقل كبير.. لما ترويها.. حصادها يغطي آلاف الناس..
تحيه مني لك ياصديقي لكل مشوار عافرت فيه.. مشاركة جميلة جدا ربنا يبارك حياتك |
||||
|
|
|
13 - 11 - 2018, 09:55 PM
|
رقم المشاركة : ( 3 ) | ||||
|
..::| الإدارة العامة |::..
|
رد: التشجيع حاله خاصه من الإحتياج
ميرسى على مرورك الغالى  |
||||
|
|
|
20 - 11 - 2018, 07:48 PM
|
رقم المشاركة : ( 5 ) | ||||
|
..::| الإدارة العامة |::..
|
رد: التشجيع حاله خاصه من الإحتياج
ميرسى على مرورك الغالى |
||||
|
|
 |
| أدوات الموضوع | |
| انواع عرض الموضوع | |
|
| قد تكون مهتم بالمواضيع التالية ايضاً |
| الموضوع |
| نؤمن بأن مشيئة الله أن ينقل المؤمنين دائما من حاله إلى حاله |
| من غير الإحتياج |
| الإحتياج الأهم |
| ألم الإحتياج |
| نحن في أشد الإحتياج |
العرض العادي
