|
 |
 |
 |
|
رقم المشاركة : ( 1 )
10 - 10 - 2018, 03:17 PM
|
|||||||||||
|
|||||||||||
 محدش هايقبلك غير اللي اشتراك قبل ماتدور علي قيمتك في عيون الناس أقبل قيمتك في ربنا ====================================== النهاردة ركبت المواصلات ودفعت ٥ جنيه وخدت الباقى حطيته فى جيبى عادى ، لما روحت البيت لاقيت الربع جنيه ده!! الربع جنيه زى م انتوا شايفين شكله مُشوه وبايظ!! فى الوقت اللى أدركت فيه ان السواق غفلنى ولبسنى ربع جنيه وحش، قولت ان السواق ظلمنى وادانى الربع جنيه ده عشان يتخلص منه، بعدين فكرت ان ممكن يكون السواق ده هو اللى اتظلم لما حد تانى لبسه الربع جنيه ده!! سرحت بخيالى شويه وساعتها ادركت ان ولا انا ولا السواق مظلومين!! الحقيقة ان الربع جنيه ده هو اللى مظلوم!! لمجرد ان شكله اتغير او جزء صغير منه اتغير الناس بدأت تحدفه يمين وشمال!!، والكل بيحاول يتخلص منه ويبعده عنه!! محدش فكر انه يداويه ويرجعه لأصله!!، محدش فكر يصلحه او حتى يحتفظ بيه!! الكل شايفه وحش ومحدش مُتقبله على حالته دى!! سرحت بخيالى اكتر وتخيلت انى مكان الربع جنيه ده!! هل لو اتغيرنا الناس هترفضنا زى الربع جنيه ده وهيبعدوا عننا لمجرد اننا مختلفين عن باقى الارباع!! ياترى ممكن نلاقى اللى يحن علينا ويحاول يصلحنا او يرحمنا من الحدف يمين وشمال ويقرر انه يحتفظ بينا بشكلنا الوحش ده!! هل ممكن حد يشوفنا مميزين رغم الحاجة الوحشة اللى فينا دى!! وقتها قررت انى اتقبل اختلاف الربع جنيه الجميل ده واحتفظ بيه لعل وعسى انى فى يوم من الايام الاقى اللى ممكن يحاول يصلح تشوهاتى او حتى يتقبل اختلافى ويقرر انه يحتفظ بيا كده!! #ربع_جنيه #اكتر_من_مجرد_قصه!! #نورت_المحفظة_يا_صديقى 💙 
|
|
10 - 10 - 2018, 03:55 PM
|
رقم المشاركة : ( 2 ) | ||||
|
† Admin Woman †
|
رد: ربع جنيه ( اكتر من مجرد قصه )
#ربع_جنيه #اكتر_من_مجرد_قصه!! #نورت_المحفظة_يا_صديقى رووووووووووعة حببتي ربنا يفرح قلبك |
||||
|
|
|
12 - 10 - 2018, 09:56 AM
|
رقم المشاركة : ( 3 ) | ||||
|
..::| الإدارة العامة |::..
|
رد: ربع جنيه ( اكتر من مجرد قصه )
ميرسى على مرورك الغالى  |
||||
|
|
|
25 - 10 - 2018, 11:58 AM
|
رقم المشاركة : ( 4 ) | |||
|
..::| العضوية الذهبية |::..
|
رد: ربع جنيه ( اكتر من مجرد قصه )
قصة جمييييييييلة ..ومعناها حلو اوى
|
|||
|
|
|
27 - 10 - 2018, 09:28 PM
|
رقم المشاركة : ( 5 ) | ||||
|
..::| الإدارة العامة |::..
|
رد: ربع جنيه ( اكتر من مجرد قصه )
ميرسى على مرورك الغالى |
||||
|
|
 |
| أدوات الموضوع | |
| انواع عرض الموضوع | |
|
العرض العادي
