|
 |
 |
 |
|
رقم المشاركة : ( 1 )
16 - 06 - 2018, 01:06 AM
|
|||||||||||
|
|||||||||||
 يارب يسوع هو انت تنفع تقول ( ويل لكم) ينفع تقول ( يا اولاد الافاعي) ينفع تقول ( قولوا لهذا الثعلب) ينفع اللي بيتقال عنه محدش سمع في الشوارع صوته (يزعق جوه الهيكل) ينفع كده تعثرنا فيك!!! طب انت مش كنت بتقول الخطاه دول لازم نحتمله. .طب اعتبر الفيرسين دول خطاه ..ولا هو كلام وبس؟؟؟ (((( للاسف مش عارفين نفرق مابين الغيره علي بيت الله واسلوب التعامل نفسه)) ...في ناس محتاجه تواجيهها بحقيقتها قصاد الناس زي ما الرب يسوع عمل كان قصاد الكل يقول للكتبه والفريسين (الويل لكم) وده مش بيناقض تعاليمه اللي بتقول لا تقل لاخيك ( يا احمق) .لكن في ناس عاوزه تقتل كل زرعه حلوه في قلوب الناس فالرب يسوع كان بيتعامل معاهم بشده وده لغيرته علي زرعته ..لكن لما يجيلوا واحد زي نقوديموس ليلا ويساله ويتضع هاتلاقي الرب يسوع مايقولوش (ايه اللي جابك هنا يا فريسي)بالعكس احتواه وعلمه وكسبه لما الرب يسوع يقول ( يا اولاد الافاعي..او اذهبوا وقولوا لهذا الثعلب) ده مش بيقلل من تعاليمه اللي بتقول ( لا تخرج كلمه رديه من افواهكم) .لان السكوت عن الحق مع ثعالب مفسده للكروم ده هايخلي الفساد يزيد وضياع الناس يزيد وفي فرق مابين الخاطي والثعلب. الخاطي شخص واضح جدا مش بيتزين ولا بيتجمل علشان كده بيقول الكتاب( كان يجلس مع خطاه ويأكل معهم) حتي لو قاعد جوه بيت فريسي هاينصف الخاطيه لانه حقاني . لكن الثعلب ده ملتوي ولو سبته فانت بتسيب فساد مش بتحتوي خاطي. لما الرب يسوع اللي مخدش بيسمع في الشوارع صوته هو هو اللي صوته جاب اخر الدنيا لما لقي بيته بيت تجاره. لما لقي بيته ماليان بالكدب والغش والسرقه..زعق وصوته سمعه الكل وده مش سبب عثره ده كان بيطرد العثره من بيته .ووسط كل ده لما لقي ناس مريضه شفاهم لان الرب يسوع عارف يفرق المحتاجين بيته للشفا واللي محتاجين بيته عبشان يزيدوا في الفساد ولكن ( وسط كل ده الرب يسوع عمل ده علشان خاطر الناس ..علشان خاطر بيته..صار حجر عثره علشان يظهر الحق.. واظهار الحق مش عثره اظهار الحق نعمه. لكن لما اتهان واتجرح مافتحش بوقه لانه مش هامه نفسه مش مهم مين يجرحه ..بس محدش يجرح ولادي..محدش يجرح بيتي ..انا اتجرح مش مهم لكن ولادي وبيتي لا) في خدمتك ارجوك اصنع الحق حتي لو علي حساب شكلك وعلشان تكون عندك قدره في مواجهه امور خدمتك بحكمه لازم تكون عندك مخدع صلاه زي ما الرب يسوع علمنا..ومخدعك الله هايملاك من كل حكمه. وهايقولك تقول لمين( الويل لكم) وتقول لمين (تعالوا اليا يا جميع المتعبين) 
|
|
18 - 06 - 2018, 12:02 PM
|
رقم المشاركة : ( 2 ) | ||||
|
† Admin Woman †
|
رد: في خدمتك اصنع الحق حتي لو علي حساب شكلك
وهايقولك تقول لمين( الويل لكم) وتقول لمين (تعالوا اليا يا جميع المتعبين)
في منتهى الجمال يا قمر ربنا يباركك |
||||
|
|
|
18 - 06 - 2018, 08:05 PM
|
رقم المشاركة : ( 3 ) | ||||
|
..::| الإدارة العامة |::..
|
رد: في خدمتك اصنع الحق حتي لو علي حساب شكلك
ميرسى على المرور |
||||
|
|
 |
| أدوات الموضوع | |
| انواع عرض الموضوع | |
|
العرض العادي
