|
 |
 |
 |
|
رقم المشاركة : ( 1 )
12 - 06 - 2018, 07:47 AM
|
|||||||||||
|
|||||||||||
 الست مهما كانت قوتها كائن ضعيف ورقيق وغيور جدا ... الحب دايما عندها شيء مقدس بس مين فينا فكر يبص من قريب شوية نظرة حب .. حب صافي و طاهر .. خلينا ناخدها من البداية البنت من أول ما بتتولد والحب مولود معاها .. طفلة ماسكة عروسة ومهتمة بيها كأنها أم .... وتكبر شوية تبتدي تحب أبوها ويبقى البطل بتاعها .. وكل ما كان الأب حنين كل ما زاد احساسها بالأمان وزاد تعلقها بيه لدرجة اننا بنشوف بنت صغيرة بتقول أنا عاوزة أتجوز بابا .. وممكن توصل لأن الأم تغير من بنتها .. من حب واهتمام أبوها ليها .. وتكبر أكتر وتدخل في سن المراهقة .. ومع حب البنت للروايات والمسلسلات بتندمج مع أي قصة حب بسهولة وبتسرح بخيالها وتحط نفسها مكان البطلة حتي لو كان البطل شرير ... حتي لو كان شيطان ... وتبتدي ترسم صورة في خيالها وتكبر شوية ومع اول احساس بالأمان تحسه مع انسان قلبها بينبض بعنف .. تحاول توصل لقلبه .. تفهمه ... ولما يبتدي يحس ويقرب منها تبتدي هي تحاول تطبق غصب عنها أحلامها كلها ... عاوزة تحقق حلمها بكل تفاصيله بس للأسف الشديد .. مبتاخدش بالها ان الروايه مكتوبه بقلم مؤلف .. قلم متحكم في مشاعر البطل والبطله .. راسم القصة بخياله ... شايل منها مشاكل الحياة وشايل منها طعم الواقع ... ويبتدي الصدام جواها ما بين حبها وبين أحلامها .. تتنازل عن ايه وتتمسك بأيه ... ويبان غصب عنها بصورة كلنا بنشوف انها عصبية او نكدية لكن في الحقيقة هي خايفة .. خايفة وعاوز تحس بالأمان وعاوزة تحس بالاهتمام .. عاوزة تحس انها مرغوب فيها .. عاوزة تحس ان حبها يستاهل وان أحلامها الكبيرة اللي كانت عايشاها لما تنازلت عنها اتنازلت علشان راجل يستحق .. عاوزة تحس انها جواك وان صعب اي حاجة تشيلها من جواك بسهوله .. الأمان .. هو مفتاح حياة البنت من اول ما بتتولد لحد ما حياتها بتنتهي ... الامان هو اللي يخلي البنت تحب أبوها او يكسرها وأي حد يضحك عليها بسهولة .. الأمان هو اللي يخليها ترضي بالواقع وتقيد صوابع ايدها شمع ينور حياتك .... الست مهما كبرت ومهما كان سنها بتعشق الانسان اللي يعرف يحسسها انها طفلة .. حتي لو بتشتغل معاك وبتتعب علشان بيتها وعاملة نفسها قوية و شايله نفسها وبتقول انها independent woman.. عاوزة الراجل اللى يطبطب عليها ويدلعها ويظهر أنوثتها .. مش محتاجة غير اهتمامك وانها تحس بأمانك ... صدقوني .. اللي قاعدة ساكته ف بيتها واللي بتزعق كتير واللي مش بتنام طول الليل والزهقانة والمشاكل الكتير دي كلها سببها راجل بخيل في مشاعره .. سببها راجل فاقد معني الأمان ... سببها راجل مش عارف يحضن مراته ... خليك أمانها وخليك احسن من بطل قصتها اللي فضلت طول حياتها تتمناه وخليك كمان مكان أبوها .. خليها تفرح بأن ربنا عوض صبرها وأحلامها بيك ... 
|
|
12 - 06 - 2018, 10:26 AM
|
رقم المشاركة : ( 2 ) | ||||
|
† Admin Woman †
|
رد: أنا عاوزة أتجوز بابا
خليك أمانها وخليك احسن من بطل قصتها اللي فضلت طول حياتها تتمناه وخليك كمان مكان أبوها ..
خليها تفرح بأن ربنا عوض صبرها وأحلامها بيك ... ربنا يباركك |
||||
|
|
|
12 - 06 - 2018, 02:40 PM
|
رقم المشاركة : ( 3 ) | ||||
|
..::| الإدارة العامة |::..
|
رد: أنا عاوزة أتجوز بابا
موضوع جميل ربنا يبارك تعبك رينا |
||||
|
|
|
08 - 07 - 2018, 08:38 AM
|
رقم المشاركة : ( 5 ) | ||||
|
..::| الاشراف العام |::..
|
رد: أنا عاوزة أتجوز بابا
ميرسى لمروركم الغالى
 |
||||
|
|
 |
| أدوات الموضوع | |
| انواع عرض الموضوع | |
|
| قد تكون مهتم بالمواضيع التالية ايضاً |
| الموضوع |
| الفرخة عاوزة قمحة وانا عاوزة اتجوز |
| حتى لو متجوز 4 |
| غالباً بابا متجوز على مامتك |
| انت متجوز مين |
| اللى متجوز |
العرض العادي
