خواطر القيامة ٥ ( القبر فاضى )

walaa farouk · رقم المشاركة : ( 1 ) 26 - 05 - 2018, 09:26 PM

فى مر ١٦
كل ما حد يشوف القير فاضى ...يروح يقول للباقى ومحدش يصدق ...
تروح المجدلية ومحدش يصدق ...
ويروح تلميذى عمواس ومحدش يصدق ...
ونفضل نخدم فى الكنائس ونتكلم ونوعظ ونرنم ونقرا ونتامل ومحدش يصدق أنه حى ...
ودى اكتر حاجة بتضايق ربنا ...
اننا ما نصدقش ...
عشان كده ربنا بيشجعنا نصدق وبيقول فى ع ١٧
فيه حاجات حلوة هيعملها اللى هيصدق أنى حى ...
هنخرج شياطين وهننتهر ارواح...
هنتكلم بلسان جديد محدش سمعه قبل كده ...
هنتألم فى العالم ومفيش حاجة هتمسنا لاننا متعلقين بيه وهو حى فينا ...
هنخفف عيانين روحيا ونفسيا ...
هنقوم موتى روحيا ...
وكل ما نصدق فيه ...هنعلن أن القبر فاضى ...
كل ما يشوفنا العالم قايمين ومختلفين ... هنعلن أن القبر فاضى ...
كل ما نتغير ونبقى شبهه ... هنعلن أن القبر فاضى
كل ما يشوفنا العالم احياء... هنعلن أن الهنا حى والقبر فاضى ...
كل ما نؤمن بالابدية ...هتبقى قبورنا كلها فاضية ...
كل ما نقوم موتى ...القبور هتفضى اكتر ...
كل ما نشهد عنه وكل ما نصدق أن القبر فاضى وهو حى ...
اللى مات فينا هيصحى والقبور هتشقق وهتفضى ...
العالم بيدور على حد حى قايم مش حد ميت عشان يعلن إن القبر فاضى ويصدق أن الهنا حى لان أولاده احياء ...
المسيح قام

Mary Naeem · 27 - 05 - 2018, 04:56 PM

كل ما نقوم موتى ...القبور هتفضى اكتر ...
كل ما نشهد عنه وكل ما نصدق أن القبر فاضى وهو حى ...
اللى مات فينا هيصحى والقبور هتشقق وهتفضى

مشاركة جميلة جدا
ربنا يبارك حياتك

walaa farouk · 27 - 05 - 2018, 06:40 PM

ميرسى على مرورك الغالى خواطر القيامة ٥ ( القبر فاضى )