|
 |
 |
 |
|
رقم المشاركة : ( 1 )
25 - 02 - 2018, 09:05 PM
|
|||||||||||
|
|||||||||||
 احد علامات النضوج في رأيي انك تبطل تنبهر بالناس مهما كانوا ايه أو تعرف عنهم ايه.. تبطل ترسم خيال مبني على مُعطيات قليلة منقوصة اوي زي شوية كلام على فيسبوك.. أو موهبة مُعينة الشخص ده متميز بيها، أو مظهر وشكل حلو .. لان مهما كان ده في الاخر انسان مش ملاك بيطير، وكل انسان عنده جانب مُظلم مش محتاج يبيّنه للكل بس ميقدرش يرميه أو يهرب منه. من خبرتي الصغيرة مع الناس اكتشفت ان كل انسان مهما كان ناجح أو مؤثر أو حتى روحاني وبيحب ربنا، هو جواه كدة حتة واقع فيها، حاجة مضروب بيها أو بيصارع فيها .. يمكن اكتئاب . يمكن احتياج مُلح مُتعب قالبلُه حياته.. يمكن عادات مش عارف يعيش من غيرها.. يمكن انانية وحب للذات مبالغ فيه .. يمكن اجتماعياً مش ناجح .. يمكن لخبطة في العلاقات.. يمكن افكاره وشكوكه خلقت جواه عالم مُتعب بقى محبوس فيه ويخاف حد يدخل يشوفه أو يعرف عنه حاجة.. يمكن .. ويمكن .. متعرفش جوا كل واحد مظهرُه بيلمع ايه! فا نصيحة .. ماتنبهرش بكلام حد .. ماترسمش شخصية خيالية من كلام حد وتحبه على اساسها، كل واحد موهوب جواه كراكيب ولخبطة قد كدة بس هو محتفظ بيها لنفسه بس 🙂 يمكن هو شخص تاني مش بالقوة دي في الحقيقة، يمكن هو اضعف وأغلب من الهالة اللي أنت حاطُّه فيها في خيالك دي.. اقولك تعمل ايه لما تقرا كلام حلو من حد .. خُد الكلام ليك وامشي.. انسى الشخص.. وقّف انبهارك الساذج بيه لانه هو غالباً مش كدة في الحقيقة.. خد الكلام لوحده من غير الشخص، لانك لو قربت منه .. غالباً هاتتصدم باللي هاتشوفه .. لانه في الاخر مهما كان.. انسان 
|
|
26 - 02 - 2018, 01:27 PM
|
رقم المشاركة : ( 2 ) | ||||
|
† Admin Woman †
|
رد: اوعى تنبهر
غالباً هاتتصدم باللي هاتشوفه .. لانه في الاخر مهما كان.. انسان
ربنا يباركك |
||||
|
|
|
26 - 02 - 2018, 09:19 PM
|
رقم المشاركة : ( 3 ) | ||||
|
..::| الإدارة العامة |::..
|
رد: اوعى تنبهر
ميرسى على مرورك الغالى مرمر  |
||||
|
|
 |
| أدوات الموضوع | |
| انواع عرض الموضوع | |
|
| قد تكون مهتم بالمواضيع التالية ايضاً |
| الموضوع |
| لا تنبهر في البدايات |
| لا تنبهر بأنوار العالم |
| عندما تنبهر بعمل الله |
| لا تقترب حين تنبهر |
| الإعجاب إنك تنبهر بالقشرة اللي بره |
العرض العادي
