|
 |
 |
 |
|
رقم المشاركة : ( 1 )
14 - 02 - 2018, 10:25 PM
|
|||||||||||
|
|||||||||||
 قعدت افكر كتير ... هى محبة ربنا ممكن تسد احتياجى للحب .... وبلغة علم النفس والمشورة ... هل هو عارف ايه لغة الحب بتاعتى ...ولا عنده لغة واحدة ..؟؟ ولاول مرة اكتشف أنه حبنى بال ٥ لغات بتوع الحب ... حبنى بلغة *اللمس* ...شماله تحت راسى ويمينه تعانقنى ...ولما باكون تعبانة يمد أيده ويلمسنى ويشفينى ويمسك بيمينى ويهدينى وبيقولى دائما قد ايدتك وعضدتك ... شعر راسى معدود عنده ... ناقشنى على كفه ... ويخلينى انا كمان المسه وابادله لغة اللمس ... فامسكته ولم ارخه ...ومع المريمات اسجد وامسك بقدميه ومع المرأة الخاطئة اقبل قدميه .. فى عيد الحب مش عايزة غير لمسة من هدب ثوبك يا سيد وبلغة *الكلام* حبنى وقال احلى كلام ... إذ صرت عزيزا فى عينى مكرما وانا قد احببتك ...احببتكم قال الرب ... وعايزنى كمان ابادله لغة الكلام ... قالى كتير اسمعينى صوتك ارينى وجهك ... ده غير الغزل والملاطقة اللى ملا كيانى بيها صوتك جميل ... وجهك لطيف ... عيناك غلبتانى ... عينى عليكى من اول السنة إلى آخرها ... واتماعت بنظرات الحب مع الشاب لما قاله فنظر إليه وأحبه .... وملا ودانى كلام حب لما قال افتحى لى يا حبيبتى يا حمامتى يا كاملتى ... فى عيد الحب ...قل كلمة يا سيد لتبرأ نفسى وخلينى اشبع ودانى و عنيى بيك ... حبنى بلغة *الوقت* بيدينى وقت طول الوقت ويقولى ...هوذا الان وقت مقبول ...ماتيجى نقعد مع بعض شوية ... متاح ٢٤ ساعة ٧ ايام فى الأسبوع ...لا يغفل ولا ينام واقف بيخبط على الباب علطول ... قالى لاتخف لانى معك كتير بعدد ايام السنة عايز يتعشى ويبات ويصنع منزلا... ليس له اين يسند رأسه ...انا مكان راحته الوحيد ... وعايزنى اديله وقت وأحبه بلغة الوقت واقوله تحت ظلك اشتهيت الجلوس وثمرتك حلوة لحلقى ... عايز يحسسنى بحضوره كل دقيقة ... فى عيد الحب مش عايزة غير انك تمكث معى لأنه قد مال النهار وبلغة *الهدايا* كان بارع ومازال بارع اعطانى نفسه بالتجسد وعملها بشكل عجيب ... انعم على بالإنسان الجديد ... اعطانى روحه القدوس ... ابهرنى بالفداء والصليب ... وهب لنا الحياة الأبدية ... انار لنا الحياة الزمنية ... اعطانى خدمة المصالحة ... ومازال مراحمة جديدة كل صباح ... وعايزنى أحبة بلغة الهدايا ... لما قال اعطنى قلبك ... فى عيد الحب اجدد عهدك يا سيد فلا اطلب الا نهر سباحة لا يعبر من عطية الروح حبنى بلغة *الخدمة* لما ساب السما ونزل ...لما اتصلب وفدانى ... لما نزل غسل رجلى ... لما مشى كتير عشان يجينى ويشفينى .. لما حمل خطايايا ...وأخذ اسقامى ... واوجاعى ... الذى احبنى وقد غسلنى من خطايا محبة أبدية احببتك من اجل ذلك ادمت لك الرحمة ... وعايزنى ابادله لغة الخدمة وبيقولى لو بتحبينى ارعى خرافى ...اغسلى رجلين اخواتك ...شيلى الصليب ...ارحمى ...كل اللى عملته معاكى اعمليه مع الناس ... فى عيد الحب مش باطلب غير انك تخلينى أدرك جزء من اللى عملته عشانى عشان تخدمنى وتحبنى ... باشجع نفسى واشجعكم اقعد انهاردة نص ساعة ...فكر ايه هى لغة الحب بتاعتك ... وشوف تسديدها بالكامل فى شخص يسوع .. هو امين وعادل وبارع لأنه بيتعامل مع كل شخص فينا بطريقته ... كل عيد حب وانتوا متمتعين بلمساته وكلماته ومعيته وهداياه وخدمته .. 
|
|
15 - 02 - 2018, 03:46 AM
|
رقم المشاركة : ( 2 ) | ||||
|
..::| العضوية الذهبية |::..
|
رد: حبنى بال ٥ لغات واكتر شوية
ميرسى جدااا مشاركة رائعة ربنا يبارك حياتك وخدمتك
|
||||
|
|
|
15 - 02 - 2018, 12:08 PM
|
رقم المشاركة : ( 3 ) | ||||
|
† Admin Woman †
|
رد: حبنى بال ٥ لغات واكتر شوية
هو امين وعادل وبارع لأنه بيتعامل مع كل شخص فينا بطريقته ...
كل عيد حب وانتوا متمتعين بلمساته وكلماته ومعيته وهداياه وخدمته .. ربنا يفرح قلبك |
||||
|
|
|
15 - 02 - 2018, 09:28 PM
|
رقم المشاركة : ( 4 ) | ||||
|
..::| الإدارة العامة |::..
|
رد: حبنى بال ٥ لغات واكتر شوية
ميرسى على مروركم الغالى  |
||||
|
|
 |
| أدوات الموضوع | |
| انواع عرض الموضوع | |
|
العرض العادي
