فن التعامل مع المرأه (للرجـــــال فقط )

[walaa farouk]

الستات أنواع كتير وعشان تعرف تتعامل معاهم لازم تعرف نوع الست اللى معاك
1-#الزوجه_اللمضه :_____😋😋
تيجى تقولها كلمتين حلوين تقولك ماشى يابت بحبك . شكرا يا سيدى يابت هضربك .. ماتقدرش يابت انتى رخمه كده ليه ؟ تقولك دى اقل حاجه عندى
ياشيخه هتطفشينى .. ماتطفش وهو انا ماسكه فيك
طب نيمى العيال عشان عاوزك ف موضوع ... نقولك يا أخى اتنيل روح نام كده اهو ده اللى انت فالح فيه ..
دى بقا تمسكها من شعرها كده وتلزقلها بقها بلاصق وتربط ايديها ف بعض وتقعد ترغى وهى مش عارفه ترد عليك .. هتفرقع وتموت وتخلص وترتاح
2-#الزوجه_الغيوره_بزياده : __ 😚😚
سبحان الله دماغها شغاله 24 ساعه بتحلم على طول و هى نايمه انك بتخونها مع جارتكوا
بتتصل بيك كل شويه مش عشان تتطمن عليك . لا عشان تسمع صوت الناس اللى قاعده جنبك . دى يابنى تحذر منها 50 مره . اوع تنزل م البيت وانت متشيك
او تتصل بيها كل شويه تقولها عامله ايه لأنها هتبدا تشك
حرس على نفسك يا صاحبى علشان لو اتقفشت هتقتلك يا مولانا
3-#الزوجه_الدبش :___😂😂
ماعندهاش ادنى احساس بالواحد عليها شويه كلام يسدوا نفس الواحد عن العيشه واللى عايشينها
بس النوع ده طيب على فكره جدا . هى اى نعم هبله وعاوزه تتضرب بالحله ف وشها بس اهو استحملها .. استحملها وهى دبش وهتيجى تصالحك
4-#الزوجه_السوهونه :____😎😎
دى يابنى يا حبيبى يا نور عينى ماتضحكش عليها لانك مش هتعرف وماتكدبش عليها عشان كان غيرك اشطر
من وهى قاعده ف مكانها عارفه انت بتهبب ايه ومع مين بس ساكته عارفه انك بتكلم مدام نهى الجامده ع الفيس وعامله فيها مش عارفه بس هى عارفه كل حاجه وساكته
بتحرش عليك العيال يشوفوك بتعمل ايه بتحرشهم عليك برضو عشان يقلبوك ف الفلوس وقدامك تبقى زى الحمل الوديع الغلبانه المنكسره ... صحصح كده معايا للكلام
5-#الزوجه_الحنينه :___😍😍
دى يابنى كنز حافظ عليه حته بسكوتايه كده كيوتايه تتحط ع الجرح يطيب ايه الرقه دى وايه الجمال ده وايه العسل ده
وايه سانده راسها على صدرك دى اللى بتخليك تدوب
وايه حضنها اللى بتحضنهولك ده لما ترجع من شغلك
وايه كلمه ربنا يخليك ليا اللى بتقولهالك على طول دى
دى ياسيدى الفاضل تجيبلها شوكولاته وتفسحها كل يومين
وتجيبلها غزل البنات وتفضل تحب فيها كل شويه وتغير عليها وتحافظ عليها واوعاك تبص على غيرها يا راجل يا اهبل انت معاك كنز ..
6-#الزوجه_المجنونه :____😁😁
شعنونه ف نفسها كده بتعمل اللى هى عاوزاه بمزاجها
لو كدبت عليها ممكن تديك ف وشك عادى وتيجى تضربها تديك ف وشك الناحيه التانيه عادى مابتسيبش حقها ابدا وعلى طول ناكشه شعرها كده وقاعدالك ف البيت كده
اى نعم تجنن اهلك بس دى برضو من نعيم الدنيا لانها بجنانها ده اللى بيخليك تكمل حياتك كل يوم ف حاله شكل وتبعد عنك الامراض .. بس هتدخلك العباسيه ف الاخر . بس مش مشكله
7-#الزوجه_الطفله :___👷‍♀️👷‍♀️
بتزعل بسرعه وبتتراضى بسرعه دايما طفله ف تصرفاتها حتى لو وصلت لسن ما فوق الاربعين دلعها وطبطب عليها ودايما قولها انتى بنتى دلع بنتك يا حبيبى دى والله ما لها غيرك ومش عايزه حاجه م الدنيا غير اهتمامك وحبك وحضنك دول
8- #الزوجه_المخاويه :_😂😂😂😍
النوع ده يا اخى انا احترت فيه
عارفه كل حاجه وفاهمه كل حاجه ماتعرفش تضحك عليها ابدا . وعارفه انت خرجت مع مين وقعدتوا كم ساعه واتكلمتوا ف ايه
تدخل تقعد ع القهوه تلاقي نفسك بتتلفت حوالين منك لاحسن خايف انها تكون مراقباك
تيجى تعمل مصيبه تلاقيها بترن عليك كأنها حاسه انك بتهبب مصيبه
تيجى تسرح مع نفسك كده تقولك بطل تفكير ف الموضوع الفلانى
تيجى تحلم انك بتخونها تلاقيها الصبح مستنياك وبتقولك مش انا حلمت انك بتخونى ف الحلم يا عماد
دى ربنا يلطف عليك منها . انا ماليش دعوه .. عشان هى عارفه دلوقتى انك بتقرا البوست ده وهتطين عيشتك

[souad jaalouk]

ربنا يفرح قلبك دايمااااا موضوع جميييييييل للغاية

[Mary Naeem]

عشان هى عارفه دلوقتى انك بتقرا البوست ده وهتطين عيشتك
ههههههههههههههههههههههههههههه

[walaa farouk]

ميرسى على مروركم الغالى