|
 |
 |
 |
|
رقم المشاركة : ( 1 )
19 - 01 - 2018, 09:31 PM
|
|||||||||||
|
|||||||||||
 هاييجي وقت .. وهاتحس ان شخصيتك بقت متدغدغة .. فيها الناس تعبتك بما فيه الكفاية وانت تعبت من نفسك ... مش شايفين حاجة حلوة فيك ولا انت شايف .. حاسس انك متحطم وكل ماتحاول تشكي لحد املا في كلمة تشجعك يقوم محطمك اكتر ... في الوقت ده هاتحس انك مطفي مفيش اي نور جواك يميزك ولا انت شايف طاقة نور تخرجك من اللي انت فيه .... رغم انك كنت من شوية انت اللي مشهود لك من الكل انك الرائع والمميز والفاضل والناجح ... دلوقتي في عرض كلمة مشجعة حقيقية في عرض لحظة واحدة تحس فيها انك محبوب .... حد لله في لله يحبك بسوادك وعيوبك وشخصيتك المدغدغة مع العلم انك مافكش حيل تحب حد انت محتاج حد بس يحبك ويطبطب عليك .... في الوقت ده ... اوعي تروح تاخد كورسات تطور شخصيتك ولا تفكر تروح لدكاترة ولا تحاول تلبس اقنعة تناسب حالات الناس علشان تعجبهم ويرضوا عنك (كل دي مخدرات ومهدئات لكن مش حل جذري ) الوقت ده هو وقت عملية التجميل .... مبروك الله عايز يعملك عملية تجميل مجانية وبيقدملك فرصة اغلي من الدهب واغلي من اي شئ فرصة انك تكون اجمل من جوة ... يكون قلبك من جوة اكثر لمعانا وبراءة ونقاوة ورقة و يكون فكرك اكثر عمق وتمييز وحكمة ... تكون مليان بالمواهب الحقيقية وقادر توظفها كويس اوي وتغير بيها نفوس مش هاخبي عليك الموضوع هايكون مؤلم شوية ... لان الاناء القديم بيتكسر والخزاف بيعجن اناء من جديد ... تعليمات اجراء العملية : ارمي نفسك بين ايديه ماتصرخش الا ليه اوعي تسيبه قبل ما يخلص شغله وتروح تصرخ لحد تاني ... بكلل اتضاع وتسليم وانسحاق قوله : ايها الفخاري الاعظم انا كالخزف بين يديك عد واصنعني وعاء اخر مثلما يحسن في عينيك ... ارمي نفسك بين ايديه كل شوية وقوله شوف شغلك .... لو عملت كده بأمانة ... واتكلت عليه بكل قلبك ... انتظر اناء منه كله مجد اناء الناس تشوفه تفرح بيه ... انت نفسك مش هاتصدق الكلام اللي بيتقال علي انائك ... لان مش انت اللي عامله ده هو ... فكل مايزيد الاناء حلاوة مش هاتقدر تعمل حاجة غير انك تشهد ليه وتتكلم عن عمل ايديه .... وقتها هاتشوف كل امور بعمق وبنظرة تانية .. وهاتشوف امور كتير علي حقيقتها ... وهايبقي ليك قيمة لانه عملك قيمة 
|
|
19 - 01 - 2018, 09:35 PM
|
رقم المشاركة : ( 2 ) | ||||
|
† Admin Woman †
|
رد: عملية تجميل
عد واصنعني وعاء اخر مثلما يحسن في عينيك
|
||||
|
|
|
19 - 01 - 2018, 09:45 PM
|
رقم المشاركة : ( 3 ) | ||||
|
..::| الإدارة العامة |::..
|
رد: عملية تجميل
ميرسى على مرورك الغالى سمسمة  |
||||
|
|
|
20 - 01 - 2018, 09:48 AM
|
رقم المشاركة : ( 4 ) | ||||
|
† Admin Woman †
|
رد: عملية تجميل
وقتها هاتشوف كل امور بعمق وبنظرة تانية .. وهاتشوف امور كتير علي حقيقتها ... وهايبقي ليك قيمة لانه عملك قيمة
عملية تجميل |
||||
|
|
 |
| أدوات الموضوع | |
| انواع عرض الموضوع | |
|
| قد تكون مهتم بالمواضيع التالية ايضاً |
| الموضوع |
| الابتسامة أعظم عملية تجميل |
| أحمد سعد يعلق على عملية تجميل نحت وجهه |
| عملية تجميل |
| تنتحر مع ابنها بسبب عملية تجميل فاشلة |
| تمارين تغنيك عن عملية تجميل الأنف |
العرض العادي
