|
 |
 |
 |
|
رقم المشاركة : ( 1 )
03 - 01 - 2018, 10:01 AM
|
|||||||||||
|
|||||||||||
 نحتاج نحيا الحياة (مش عيشة والسلام) معظمنا بيشتغل شغلانات عادية أوفي مدرسة عادية أو جامعة عادية واقصد بعادية اننا مش سوبر هيرو وسوبر عيشة يعني، ولا في مدارس وجامعات محصلتش.. وغالباً في حاجات بنكررها كل يوم ودي هي الحياة .. نحتاج اوي ما نقولش اللي بنبات فيه بنصبح فيه وحاجة ملل .. واهي عيشة والسلام .. لأن كتير عايشين الحياة لكن كام واحد يحيا حياته بجد؟ نحتاج مانقللش من الحاجة اللي بنشتغلها أو دراستنا أو أي حاجة تخصنا ونعرف ونصدق إن دورنا مهم في المكان اللي احنا فيه حتى لو محدش قالنا ..الشطارة اننا نعمل الحاجة دي بإتقان ونحبها .. وده في حد ذاته نضوج..وهو ده التعبير الحقيقي عن وجودنا الأصيل.. اننا نكون موجودين بحقيقيتنا في أي حاجة إحنا بنعملها ..شغلنا ..مذاكرتنا .. لعبنا ..مساعدتنا للآخر ..ده هيفرق معانا كأشخاص وهيفرق في جودة أوقاتنا وحياتنا وبالتالي هينعكس على اللي حوالينا وفي مجتمعنا ككل. نحتاج مانستسلمش لنغمة إن علشان نكون موجودين لازم نعمل علامة في المكان اللي احنا فيه أو المجتمع أو أو .. النغمة دي محبطة، لكن مهما كان اللي بنعمله لو عملناه برضا وحب "مزاج" هو ده التميز ..واصلاً كل شخص مميز كده كده لان ربنا مخلقش اتنين زي بعض كربون فاحنا كده كده مختلفين ومتفردين.. والحاجة اللي انا باعملها هتكون فيها لمستي وشخصيتي ولوني ..حب نفسك واللي انت بتعمله وانبسط بأبسط الاشياء .. واللي منعرفوش نقدر نتعلمه... بابلو بيكاسو بيقول : "إني أعمل دائماً ما لا أَستطيعُ عمله لكي أتعلّم كيفية عمله". حبة حبة وخطوة خطوة نوصل لهدفنا وشوية شوية هنلاقي جوانا الرضا والسلام بيكبر يوم عن يوم ونحس اننا نحيا الحياة ومش عايشين والسلام. 
|
|
03 - 01 - 2018, 11:40 AM
|
رقم المشاركة : ( 2 ) | ||||
|
† Admin Woman †
|
رد: نحتاج نحيا الحياة
حبة حبة وخطوة خطوة نوصل لهدفنا وشوية شوية هنلاقي جوانا الرضا والسلام بيكبر يوم عن يوم ونحس اننا نحيا الحياة ومش عايشين والسلام. صح يا قمر ربنا يباركك حببتي |
||||
|
|
|
03 - 01 - 2018, 07:17 PM
|
رقم المشاركة : ( 3 ) | ||||
|
..::| الإدارة العامة |::..
|
رد: نحتاج نحيا الحياة
ميرسى على مرورك الغالى  |
||||
|
|
 |
| أدوات الموضوع | |
| انواع عرض الموضوع | |
|
العرض العادي
