موضوع مهم جدا

[روشا الفرفوشه]

بسم الاب والابن والروح القدس اله

واحد امــــــــــــــــين

عندى موضوع مهم ومحتاجه فيهم رائيكم ضرورى

هل انتم مع ان الولد او البنت يعيشو سنهم

بكل ما فيه

اذا كان حلو او وحش

فرح او حزن

بمعنى

مثلا

ولد او بنت فى عمر 16 سنه

يحبو ويتحبو

يفرحو ويتجرحو

يحسو انهم مسكين الدنيا بأيدهم

او

يقعو على جدور رقبتهم زى ما بيقولو

انا اعرف ولد فى 3 اعدادى

بيحب فى التيلفون بالساعات

ويجيب هدايا عيد ميلادها

وهى كمان تجيب هديه عيد ميلاده

وكمان الفلانتين

يا ريت كل واحد فيكم يدينى

رأيه بكل صراحه




بقلم روشا الفرفوشه

[بنتك يايسوع]

انا معاكى ان كل واحد يعيش سنه بس مش بالمعنى اللى قلتيه ده
يعنى فى كل مرحله بتختلف طريقة الانسان فى التعامل مع الدنيا
بس مع الحاله اللى انتى قلتيها دى
ده لا يسمى حب اطلاقاااااااا دى مراهقه والمشاعر فى السن ده مش بتبقى مستقره
والولد او البنت اول حاجه بيفكروا فيها فى السن ده انهم يعيشوا قصة حب
بس لازم يبقي فى توجيه من البيت ويكون فيه متابعه
ولازم البيت كمان يحسس الاولاد دول بالحب والاهتمام لانها مرحله بتبقي حساسه جدا
لكن انا مش مع ان ولد او بنت يعيشوا قصه حب فى المرحله العمريه دى ابدااااااااااا
ده هيؤدى لعدم تركيزهم فى دراستهم وكمان هايخليهم يعيشوا سن غير سنهم خالص
ده رايي الشخصى

[Marina Greiss]

الحب مش غلط وولا عيب ولا حرام
بس المهم السن
يعنى سن اعدادى غلط لان دة مش حب
دية مرحلة وهتعدى
ولا حتى الحب بتاع ثانوى
المشاعر فى الوقت دة مش ثابتة
وكمان الحب يبقى فى العام
ويبقى كل الناس عارفة
بس اللى يحب ويخبى دة بيبقى ولد بيضحك على البنت
ودة مش بيبقى حب دية بتبقى تسلية
وكمان الحاجة اللى تتعمل فى الظلام
لازم يعرفوا انها حاجة غلط
هما لو عارفين ان الحب دة حقيقى وبجد
يتعمل فى النور قدام الناس مش فى الظلام

[روشا الفرفوشه]

ميرسى على رائيكم الجميل
نورتو الموضوع

[daughter of king]

[

بصي ياروشا انا من رأيي ان اي ولد او بنت يعيش سنه عادي
بس في حدود
في حدو تعاليم المسيح
لانهم اولاد المسيح
وفي حدود تربيتهم في البيت
وبردو ده بيرجع للأب والام في البيت ليهم دور كبيييير في كيده
في ارشادهم ومتابعتهم في سلوكهم وكيده

اما بخصوص الاولاد والبنات اللي بيحبو في السن ده
فده من رأيي غلط ده سن مراهقه ولعب عيال
وغالبا بيكون تسليه من الطرفين

ميرسي ياروشا
اتمني اكون وصلتلك رأيي
وربنا يبارك حياتك
ويفرح قلبك ياقمر
دايما مميزه

[Ebn Barbara]

امممممممممم
هو ممكن اه
انا كان معايا ولد وبنت بياخدوا معايا دروس في اعدادي وثانوي والكل عارف
واتجوزوا
وهما عندهم
21
المهم ياروشا هو الحاله الماليه للأسف
حاله ماليه لاهل الولد ميسوره يسبيوه ويفرحوله
لكن مستوي مادي قليل او متوسط والاهل يسيبوا ابنهم يعيش في الدور في السن ده
يبقي غلط بجد

[sama smsma]

يابنتى دلوقتى الاطفال الصغيرة ماشيين يحبوا على نفسهم
مش سن اعدادى وبس يعنى ههههههههه
الدنيا اختلفت عن زمان
مع وجود النت والفضائيات
وفى الغالب بيبقى حب تسلية ومراهقة عادية
لان المشاعر بتتغير كل ما البنت والولد بيكبروا سنة بسنة
واهم حاجة برضة ان البنت ماتعملش حاجة من ورا اهلها
والصداقة فى السن دة تبقى بحدود
مش هدايا بقة وفونات والكلام دة
لازم يكون فى متابعة من البيت وتوجيهات من الام والاب للبنت والولد
ويفهموهم ان مشاعر الحب دى مش حرام
بس مش وقتها لانهم لما ينضجوا شوية مشاعرهم بتتغير ويلاقوا نفسهم مش بيحبوا بعض
وان الولد ممكن يحب واحدة غيرها لان المشاعر دى حاجة طبيعية اانها تتغير بعد فترة المراهقة
لو البنت فهمت كدة هاتعمل حساب لتصرفاتها وهاتكون علاقتها باصحابها الاولاد بحدود
ان كانت فى الكنيسة او المدرسة

[روشا الفرفوشه]

بس دول صغيرين يا مايكل على كده
ميرسى على مشاركتك الجميله

[روشا الفرفوشه]

صوح يا حبى
ميرسى على مشاركتك الجميله
بس ده معناه ان ساندورا ليها بوى فرند
وكمان طبعا الاستاذ اندرو ليه جيرل فرند
هههههههههههههههههه

[المرنم جرجس]

انا مع مايكل الله يفتح عليك هو الموضوع كله مرتبط بالحاله الماديه لو الاهل مظبطين يخلوا الواد يحب حتى من بطن امه ههههههههههههههههه لكن لو نووووووو هما يمنعوه او اهل البنت هما اللى يمنعوا البنت علشان الولد مش مخلص نفسه يعنى لو مخلص يبقى الموضوع خلصان فهمتوا يا بنات يعنى كل حاجه على الولد والراجل ومش عارفين هتودونا فين فى الآخر هههههه ولو العيال دى بتحب من ورا اهاليها يبقى هذا حرام حراااااااااااام ونقيم عليهم الحد