الفروق بين آدم وحواء

[walaa farouk]

الفروق بين آدم وحواء وسلوكهم في الحياة، وهذه بعض الانطباعات الكثيرة اللي ما في مجال لذكرها كلها:
#في_التفكير:
#آدم ممكن يقضي ساعات طويلة بعمل نشاط وهذا النشاط لا يحتاج إلى تفكير أصلا، مثلا ممكن يقضي ساعات يأرجل أو يقلب محطات التلفزيون أكثر من ساعة، أو يمارس هواية ما بدها تفكير لأنه تعبان من شغله وقرفان، بالإضافة إلى إنه مش حابب جو "النق" وعمليات "التحقيق" اللي بتبدأ أول ما يدخل البيت.
#حواء ممكن خلال ساعة وحدة تهري مئات السعرات الحرارية بالتفكير، واللي عادةً بكون تفكير هستيري وجنوني، مثال: بتفكر بزوجها وأولادها وبيتها وشغلها والسوق والكوافيرة وصديقاتها واللبس والريجيم والأكل والحلويات بنفس اللحظة تقريبا... أو بتبعث رسالة رومنسية لزوجها وهو بشغله عشان تصبح عليه مع شوية غزل ودلال لكن ما بتصبر لحتى يرد على الرسالة، بترن على زوجها (طبعا هو مشغول في مكتبه أو مع مديره) و بعد 30 ثانية، هي بتفكر انه مطنشها وما بده يرد عليها، فبترن عليه 10 مرات متواصلة، وبعدين بيرتفع ضغطها وبترتفع حرارتها وبتبعتله رسالة كلها مسبات واتهام بالخيانة، ولما يرجع لمكتبه بلاقي انها رح تترك البيت ويمكن بتطلب الطلاق بهديك اللحظة.
#في_الملابس:
#آدم بشتري قميص وبنطلون.
#حواء بتشتري قطعة طويلة من تحت وقطعة قصيرة فوق الطويلة وقطعة بتناسب لون القطعتين اللي بالأول تنورة أو بنطلون (حسب) يمكن مع القطعتين تشتري بنطلون وتنورة عشان اللبسة بنفع معها هيك وهيك. وبعدين بدها شنطة وفي حالة الحجاب (شالة) مناسبة للون الشنطةوشوز أو صندل مناسبين لكل اللي فات ويمكن تشتريهم الثلاثة برضو عشان تبدّل على نفس اللبسة أكثر من اشي.
#لسه_ما_خلصنا:
نسيتوا المكياج والاكسسوات المصاحبة للبسة واللي عادةً بتختارها بعناية وبالآخر لما تروح على البيت بتكتشف انه ما عجبها ويا ريتها اشترت اللي شافته بالمحل ال15 بدل المحل ال25 اللي اشترت منه.
#في_تربية_الأولاد:
#آدم لما يعصب على أولاده: صوتكم ! .... اخرسوا! (بصوت عالي) الأولاد بسكتوا......... انتهى.
#حواء:
خلاص ، ولكم اسكتوا جننتوني والله لما يرجع أبوكم الا أحكيله عن عمايلكم، حرام عليكم صدعتولي راسي، أنا هوريكم مفيش مصروف ولا شوكولاتة. (لسه الأولاد ما سكتوا). بتكمل: ممنوع تروحوا معي عند خالتكم، ربنا يريحني منكم، خلص أنا قرفت وتعبت وزهقت وبدي أتركلكم البيت. كان يوم أسود لما جيتوا على الدنيا والله لأخلي أبوكم يكسر راسكم،، وفي هاللحظة ابنها الصغير بتعتر وبصير يبكي،،، على طول بتحمله وبتبوسه وبتبكي معه وبتقول: حبيبي يا ماما، أنا زعلتك يا ماما، ييي عليها ماما، ريتني أموت يا ماما، بعيد الشر عنك يا ماما!!
#آدم_وحواء مختلفين واختلافهم حلو كثيير وبعطي للحياة نكهة خاصة ورونق جميل. آدم بحاجة لانفعالات حواء اللي بتخلي حياته حلوة حتى لو فيها نكد J وحواء برضو بحاجة لأسلوب آدم في ضبط كثير من المواقف بالحياة.

[Mary Naeem]

حياته حلوة حتى لو فيها نكد j وحواء برضو بحاجة لأسلوب آدم في ضبط كثير من المواقف بالحياة.
ربنا يباركك حببتي

[walaa farouk]

ميرسى على مرورك الغالى