|
 |
 |
 |
|
رقم المشاركة : ( 1 )
22 - 11 - 2017, 06:14 PM
|
|||||||||||
|
|||||||||||
 نصيحه يا بنت الناس .. متتجوزيش اللي بيحبك حب امتلاك .. اللي عايز يسجنك ف بيت ولو كان حتي بيته قصر .. اللي بيتحكم فيكي وف تصرفاتك وف لبسك واستايلك وطريقة كلامك .. اللي بياخدك من صحابك وبيراقبك 24 ساعه ف اليوم .. اللي بيعمل كشف حساب لخروجاتك وبيسألك كل دقيقه : روحتي فين وكلمتي مين .. متتجوزيش الشكاك متتجوزيش اللي عايزك علشان جسمك وشكلك .. اللي بيتمنظر بيكي قدام اهله .. وعايز يشتريكي بفلوسه .. اللي شايفك مجرد جسم وحتة لحمه نفسه فيها .. اللي عمره ما حس بقلبك ولا فرق معاه وجع روحك .. متتجوزيش السطحي متتجوزيش اللي مبيعرفش يحلم ومعندوش طموح .. اللي عايش عيشه والسلام وبيبص تحت رجليه .. اللي عايزك ست بيت تكنس وتطبخ وتغسل .. اللي ايامه كلها شبه بعضها ومفيش ف صفاته اي شئ مختلف .. متتجوزيش السلبي متتجوزيش اللي مبيعرفش يحب .. اللي بيتكسف ياخدك ف حضنه وبيكسل يعملك مفاجأه .. اللي بينسي يقولك بحبك ومبيعرفش يهتم ولا يحتوي .. اللي عمره ما فكر يتجنن علشانك وعمره ما خد باله من تفاصيلك .. اللي صعب يسمعك ومستحيل يشيل عنك .. متتجوزيش البارد متتجوزيش اللي متعود ياخد وبس .. اللي دايمآ عايز منك حب واهتمام وسعاده وهو مبيعملش حاجه تبسطك .. اللي بيتقمص لو مسألتيش وبيزعل لو معملتيش .. اللي بتنسي معاه انك بنت وبيحسسك انك ارجل منه احيانآ .. اللي عينيه مبتشبعش مهما شاف وقلبه مبيرضاش ب كل اللي بتقدميه .. متتجوزيش الاناني متتجوزيش اللي بيصلي كل فين وفين .. اللي مبيدخلش بيت ربنا غير بالصدفه .. اللي مالهوش علاقه حقيقيه مع الله ومعندوش استعداد يتغير .. اللي حياته كلها نقط سودا وقلبه مليان شرور .. اللي مبيخافش من ربنا خافي منه متتجوزيش علشان سنك بيكبر .. ولا علشان اهلك بيجبروكي .. متتجوزيش علشان تقلدي صحابك ولا علشان تنسي حب قديم .. متتجوزيش علشان الجواز سنة الحياه .. اتجوزي علشان الراجل اللي اختارتيه يستاهلك .. ويستاهل تعيشي معاه كل الايام الجايه ف عمرك .. ولو ملقتيش اللي يستحق قلبك وروحك .. بسيطه .. متتجوزيش ! 
|
|
23 - 11 - 2017, 10:12 AM
|
رقم المشاركة : ( 2 ) | ||||
|
† Admin Woman †
|
رد: حب امتلاك
متتجوزيش علشان الجواز سنة الحياه .. اتجوزي علشان الراجل اللي اختارتيه يستاهلك .. ويستاهل تعيشي معاه كل الايام الجايه ف عمرك .. صح يا قمر ربنا يباركك حببتي |
||||
|
|
|
23 - 11 - 2017, 09:09 PM
|
رقم المشاركة : ( 3 ) | ||||
|
..::| الإدارة العامة |::..
|
رد: حب امتلاك
ميرسى على مرورك الغالى  |
||||
|
|
 |
| أدوات الموضوع | |
| انواع عرض الموضوع | |
|
| قد تكون مهتم بالمواضيع التالية ايضاً |
| الموضوع |
| سمك البلاك ويدو |
| البلاك مولي |
| امتلاك الاشياء لا يعني امتلاك بهجتها ؛)) |
| امتلاك الأشياء لا يعني امتلاك بهجتها |
| امتلاك الاشياء... |
العرض العادي
