|
 |
 |
 |
|
رقم المشاركة : ( 1 )
08 - 11 - 2017, 06:46 AM
|
|||||||||||
|
|||||||||||
 مراتك بتقولها مالك بتقولك مفيش ... بتقولك الاهتمام مبينطلبش ... بس انا هقولك لوجه الله لو متعرفش يعني ايه الاهتمام مبينطلبش ركز معايا الله يخليك انت متعود متتصلش بالتليفون الا اما يكون في مصيبه وانت في شغلك معلش هنتعبك معانا اتصل قولها وحشتيني او اطمن عليها واقفل مشغول اوي ماسج او اوتس اب اكتب فيها بحبك اكتب انتي كويسه ؟؟ طمنيني عليكي اكتب هخلص شغل وهاجي جري وحشتوني ربنا ما يحرمني منكم كلمها وانت مروح قولها عاوزه حاجه اجبهالك وانا جي قولها تعبان وهاجي ارتاح واصحي اقعد معاكي بقالنا كتير متكلمناش سوي كلمها قولها متطبخيش انهارده عازمك علي الغدي قولها هرجع انام واصحي اخرجك كل ده اهتمام كل ست بتتمناه ومش بتلاقيه ... فكرت مره تاكل وتنبسط من الاكل ويعجبك ومسكت ايدها تبوسها وتقولها تسلم اديكي ولا لو عجبك الاكل بتاكل وتقوم ولو معجبكش بتنتقد ؟؟ فكر فيها كده لو اتعاملت المعامله دي في شغلك حتي ومحدش مدح في امكانياتك وتعبك ولو غلطت يتعلقلك حبل المشنقه هتطيق الشغل ولا هتطيق مديرك ؟؟ اهو حضرتك مدير بيتك وحضرتك بتعمل احباط لحضرتها بعدم تقديرك بتخليها تعمل وخلاص ومتفكرش تبدع لانك ببساطه عاملها احباط يا ريت نحاول يكون في شويه تقدير ... راجل البيت مش مجرد اب وزوج وممول للبيت ده انت فرحه البيت ده انت اللي بتجلب الفرحه والسعاده للبيت ده بانك تعملهم مفاجاه يلا هخرجكوا يلا نحتفل بمناسبه وبدون مناسبه بتجيب هديه من وقت واخر انشاله ورده صدقنى مراتك هتفرح احنا بالفعل عاطفيين اوي غيركوا والحاجات الصغيره دي بتفرق معانا كتير اوي اقل حاجه منكم بترضينا وتفرحنا وتطيرنا من السعاده كمان هاتلها برفيوم ... هاتلها جزمه شنطه ... هاتلها اي حاجه سواء بمناسبه او غير مناسبه وحتي لو مبتعرفش تشتري وذوقك وحش هتفرح لمجرد ان الهديه منك انت وعلي ذوقك انت وانت اما هتفرحها هيعود عليك فرحتها دي سعاده ودلع هتتمنالك الرضي ترضي لمجرد انك فرحتها فعلا لو فكرت تفرحها وتسعدها هتشيلك فوق دماغها وانت كمان هتفرح لمجرد انك حسيت انك ادخلت البهجه علي قلبها وقلب ولادك بالمفاجات والهدايا للتحفيز هتفرح اما تشوف الفرحه علي وشهم الفرحه اللي انت صنعتها انت مش مجرد اله بتطبع فلوس انت اللي بتحول روحك لأله انت اللي بتكسل تقوم بدورك الحقيقي وبتسيب الدنيا تخرب بينك وبينها وفى الاخر بتستغرب اوي وتقول خربت ليه انا مش مقصر انا مفحوت في الشغل وانا بقولك انت اللي فاحت روحك ومقلل دورك في بيتك وحاصره علي انك مجرد ممول مش رب اسره في ايدك تكون رب اسره فعلا وتحتوي اهل بيتك وتفرحهم وتسعدهم وفي ايدك تعيش فى الجنه دنيا واخره بعملك الطيب وادخالك البهجه والفرحه في حياتهم 
|
|
08 - 11 - 2017, 07:32 AM
|
رقم المشاركة : ( 2 ) | ||||
|
..::| الإدارة العامة |::..
|
رد: انت فرحه البيت ده ...
في ايدك تكون رب اسره فعلا وتحتوي اهل بيتك وتفرحهم وتسعدهم
ميرسي على مشاركتك الجميلة |
||||
|
|
|
08 - 11 - 2017, 10:39 AM
|
رقم المشاركة : ( 3 ) | ||||
|
† Admin Woman †
|
رد: انت فرحه البيت ده ...
وفي ايدك تعيش فى الجنه دنيا واخره بعملك الطيب وادخالك البهجه والفرحه في حياتهم
ربنا يباركك حببتي |
||||
|
|
|
09 - 11 - 2017, 06:31 AM
|
رقم المشاركة : ( 4 ) | ||||
|
..::| الاشراف العام |::..
|
رد: انت فرحه البيت ده ...
ميرسى لمروركم الغالى
 |
||||
|
|
 |
| أدوات الموضوع | |
| انواع عرض الموضوع | |
|
العرض العادي
