لانه بسلطان يأمر

[sama smsma]

تنويعات علي اوتار انجيل مرقس
الاصحاح الاول... نغمة 3
لانه بسلطان يأمر
16 وَفِيمَا هُوَ يَمْشِي عِنْدَ بَحْرِ الْجَلِيلِ أَبْصَرَ سِمْعَانَ وَأَنْدَرَاوُسَ أَخَاهُ يُلْقِيَانِ شَبَكَةً فِي الْبَحْرِ، فَإِنَّهُمَا كَانَا صَيَّادَيْنِ.
17 فَقَالَ لَهُمَا يَسُوعُ: «هَلُمَّ وَرَائِي فَأَجْعَلُكُمَا تَصِيرَانِ صَيَّادَيِ النَّاسِ».
18 فَلِلْوَقْتِ تَرَكَا شِبَاكَهُمَا وَتَبِعَاهُ.
19 ثُمَّ اجْتَازَ مِنْ هُنَاكَ قَلِيلاً فَرَأَى يَعْقُوبَ بْنَ زَبْدِي وَيُوحَنَّا أَخَاهُ، وَهُمَا فِي السَّفِينَةِ يُصْلِحَانِ الشِّبَاكَ.
20 فَدَعَاهُمَا لِلْوَقْتِ. فَتَرَكَا أَبَاهُمَا زَبْدِي فِي السَّفِينَةِ مَعَ الأَجْرَى وَذَهَبَا وَرَاءَهُ.
سمعان وأندراوس كانا تلميذين ليوحنا المعمدان (يو 1: 35-40). سمعوا معلمهما يشهد للسيد المسيح تبعاه، لكن كانوا يعودان للصيد مع أبيهما الشيخ، علشان كده اللي جه هنا في إنجيل مرقس ما كنش اللقاء الأول بين السيد وبينهما، لكن دعوة السيد لهما سحبتهما من العمل الزمني للتكريس الكامل للتلمذة والكرازة.
خد بالك الاربعة تركوا حاجة.. سابوا حاجة.. علشان نتبعه لازم سياسة الترك دي.. هو اغلي.. مش شرط نسيب شغلنا و بيتنا لكن لازم نترك حاجة.. عاوز تتبعه اترك ذاتك.. اترك محبتك للفلوس.. اترك عاطفة مش ولابد.. اترك صحبة معطلاك.. اترك سيد مسيطر عليك لانك حتخدم سيد تاني يستاهل و ما ينفعش تخدم سيدين..عارف مشكلة الراجل اللي مرة المسيح قاله اتبعني و قال له ائذن لي ادفن ابي اولا... يعني ابوه كان شيخ و بيحتضر!!!قام المسيح قال له دع الموتي يدفنون موتاهم... طب يارب زعلت ليه؟! ده بينفذ الوصية و بيكرم ابوه زي ما قال الناموس... المشكله انه قال للمسيح اولا... ادفن ابي اولا... علشان كده ربنا قال اللي يحب ابا او اما او ابنا او... اكثر مني لا يستحقني... و قال اعداء الانسان اهل بيته... ربنا الاول.. علشان كده طوباها كل ام و كل اب قبل شهادة بنته..طوباهم اللي ما يعطلوش ولادهم عن سكة ربنا و لا اللي تفطر ولادها علشان الامتحانات..
سافرت في العيد مع اصحابنا بورسعيد و كنت صايم و بنتي لسه و بعدين هناك فطرنا بس انا يعني ما كنتش شهوة اكل قد ما هو علشان بنتي و ما نشذش عن المجموعة خاصة الاكل بالنسبة لي مش حاجة مهمة اوي عموما و عندي ايمان انه مش اللي يخش جسد الانسان ينجسه لكن اللي يخرج منه.. بس طبعا اللي عملته ده ما يصحش و ما يلغيش الصوم طبعا .. بس في الحقيقة كان معانا واحدة من مراتات اصحابي اصرت انها تكمل صوم و رفضت تفطر و لما قلت لها رايي قالت انا عارفة انه مش بالاكل لكن ماجتش علي لقمة و احس اني صغيرة قدامه.. و في الحقيقة صمودها كان لوم لنفسي و عتاب رقيق من ربنا.. اللذيذ انها كانت يوم من الايام بنتي في الخدمة بس صارت هي المعلم و انا التلميذ الخايب .. اهو بعترف علنا اهه علشان ربنا يغفر و يسامح 😁 😁 ... اذا اردت ان تتبعه... اترك...
21 ثُمَّ دَخَلُوا كَفْرَنَاحُومَ، وَلِلْوَقْتِ دَخَلَ الْمَجْمَعَ فِي السَّبْتِ وَصَارَ يُعَلِّمُ.
22 فَبُهِتُوا مِنْ تَعْلِيمِهِ لأَنَّهُ كَانَ يُعَلِّمُهُمْ كَمَنْ لَهُ سُلْطَانٌ وَلَيْسَ كَالْكَتَبَةِ.
23 وَكَانَ فِي مَجْمَعِهِمْ رَجُلٌ بِهِ رُوحٌ نَجِسٌ، فَصَرَخَ
24 قَائِلاً: «آهِ! مَا لَنَا وَلَكَيَا يَسُوعُ النَّاصِرِيُّ؟ أَتَيْتَ لِتُهْلِكَنَا! أَنَا أَعْرِفُكَ مَنْ أَنْتَ: قُدُّوسُ اللهِ!»
25 فَانْتَهَرَهُ يَسُوعُ قَائِلاً: «اخْرَسْ! وَاخْرُجْ مِنْهُ!»
26 فَصَرَعَهُ الرُّوحُ النَّجِسُ وَصَاحَ بِصَوْتٍ عَظِيمٍ وَخَرَجَ مِنْهُ.
27 فَتَحَيَّرُوا كُلُّهُمْ، حَتَّى سَأَلَ بَعْضُهُمْ بَعْضًا قَائِلِينَ: «مَا هذَا؟ مَا هُوَ هذَا التَّعْلِيمُ الْجَدِيدُ؟ لأَنَّهُ بِسُلْطَانٍ يَأْمُرُ حَتَّى الأَرْوَاحَ النَّجِسَةَ فَتُطِيعُهُ!»
كفرناحوم معناها كفر النياح أو الراحة وجغرافيًا هي أوطى من الناصرة لذلك يقول انحدر. في السبت اللي هو يوم الراحة القديس مرقس بدأمعجزات السيد المسيح بهذه المعجزة، وهو يكتب للأمم ليعلن لهم أن السيد المسيح أتى ليعطي الراحة للمتعبين و يحررهم من الأرواح النجسة اللي سيطرت عليهم زمانًا وأتعبتهم بل استعبدتهم. الرومان كانوا أقوياء عسكريًا ولكن لا حول لهم ولا قوة أمام الأرواح والقوى الخفية. ومرقس هنا يظهر سلطان المسيح عليها. وكأن مرقس يقول لهم أيهما أجدر بالخضوع المسيح أم ملككم بقوته العسكرية.
كمن له سلطان وليس كالكتبة..اصل كان الكتبة يقولون، الناموس بيقول.. أو المعلم فلان بيقول، لكن السيد المسيح فكان يقول.. أما أنا فأقول كذا وكذا.. والكتبة كانت كلماتهم جوفاء من غير قوة، أمّا المسيح فكلماته كلها قوة وجذابة للنفس
آه ما لنا ولك يا يسوع الناصري.. أنا أعرفك... الشياطين عرفت المسيح ولكن ليس كمعرفة الملائكة والقديسين الذين يجدون في معرفته فرحًا وحياة وشركة أبدية (يو3:17). أمّا الشياطين فتعرفه ديانًا لها يأتي ليهلكها،
والمسيح رفض شهادة الشياطين. فشهادتهم له هي نوع من الخداع. فهم يريدون إثبات أن لهم علاقة بالمسيح، واليوم يشهدون له وغدًا يهاجمونه فيضللون السامعين.
ولاحظ أن الشيطان لم يحتمل وجود المسيح لانه كان يعلم بسلطان فبدأ يهتاج. ولكن الشيطان مهما كانت قوته فهو بلا حول ولا قوة أمام سلطان رب المجد. خد بالك أنهم عرفوا كثيرًا عن المسيح، ، ولكن الشيطان فزع منه كما تفزع الظلمة من النور. ولاحظ أن السيد المسيح قبل أن يخرج الشياطين من الناس سبق وهزم الشياطين في البرية. فهو إن لم يكن قد هزمه، ما كان يقدر أن يكون له هذا السلطان. فهو هزمه لحسابنا ليحررنا من سلطانه.علشان كده ربنا ادانا السلطان ان ندوس الحيات و العقارب و كل قوات العدو... واحد زي القديس مكاريوس يعدي بس في البرية الشياطين تصرخ مالنا و لك يا مقارة
مَا هذِهِ الْكَلِمَةُ؟ لأَنَّهُ بِسُلْطَانٍ... الشعب فهم أن المسيح مش ليه موهبة إخراج الشياطين بالصلاة والتضرعات، لكن لقيوا المسيح بكلمة واحدة يأمر الشيطان فيخرج فوراً. كلام المسيح ووصاياه معاها قوة للتنفيذ. قوة شعر بها كل من كان يسمع المسيح، وقوة لم يتمكن الشيطان أن يصمد أمامها فأطاع وخرج فورًا...يقولك عن قوله يقول فيردد صداه الابد
لالهنا المجد و الكرامة للابد
نبيل شحاتة

[Mary Naeem]

يقولك عن قوله يقول فيردد صداه الابد
لالهنا المجد و الكرامة للابد

ربنا يباركك

[walaa farouk]

المسيح ووصاياه معاها قوة للتنفيذ. قوة شعر بها كل من كان يسمع المسيح، وقوة لم يتمكن الشيطان أن يصمد أمامها فأطاع وخرج فورًا.

ميرسى على التامل