+++-----------------
اوقات كتير التعليم المباشر يخسرك ناس كتير انت عاوز تجبهم للكنيسه.. بمعني لو عندنا شباب بطل يجي كنيستنا وبقي بيروح اماكن تانيه وانت عاوز تعرفه الصح هاتعمل ايه؟ تروح رايح وقايله اللي انت فيه غلط وتروح كاتب علي الفيس الناس اللي بيروحوا المكان الفلاني عايشين في ضلمه ومضحوك عليهم.. تفتكر الشباب اللي قرر انه يبعد عن الكنيسه لو سمع الكلام ده او شافه علي السوشيال ميديا هايرجع ويقولك اه صح عندهم حق وينزل التتر وموسيقى جميله وتبقي الخير انتصر؟..لا طبعا هايزيد في عناده وهاتبني بينه وبينك وبين الكنيسه سور صعب يتهد وهاتبقي في نظره الشيطان اللي بيحاول يحاربه وهو هايجاهد انه يثبت في اللي هو فيه... طب الحل ايه؟ هل اسيب ولادي يبعدوا عن الكنيسه واكتم الحق جوايا؟ لا طبعا.. لكن الحق له اصول.. مش كل الناس ينفع تيجي بالتعليم المباشر في ناس لازم تيجي بحب.. طب نعمل ايه؟ اول حاجه. اوعي تعيب في المكان اللي بيروحوا حتي لو ده ضد رغبتك وافضل اسأل عليه وقدمله حب اكنه معاك كل يوم
تاني حاجه ابداء اتكلم عن جمال كنيستك بطريقه غير مباشره يعني تنزل حاجه عن الكنيسه علي الفيس بس تكون معلومه جديده وتبداء تصلح مفاهيم في دماغه عن الكنيسه والصلاه والتسبيح والعباده بس بطريقه غير مباشره
تالت حاجه لو هو حبك ووثق فيك هايبداء يبقي فيه حوار بينكوا. اهم حاجه ان في الحوار مش لازم تبقي انت صح طول الوقت لازم تسمعله لانه اكيد عنده حق في بعض الامور.. ومش عيب تقوله عندك حق دي عندنا مش صح ده فعلا اسلوب غلط ولازم يتغير والخ...
ساعتها هايشوف نوع تاني في الكنيسه مشافهوش قبل كده.. نوع اسمه انا عاوزك كويس مش علشان ابقي فرحان انك معايا لكن عاوز افرح بيك في السما ساعتها هايشوف انه ممكن مشتاق يحضر معاك قداس.. يصلي تسبحه.. توديه لاب اعتراف يقدر يستوعبه
اوقات كتير شباب بيروح مننا مش بسبب حلاوه الناس اللي بره لكن بسبب عدم قدرتنا علي الاحتواء
صدقوني كل مانبين جمال كنيستنا تكسب اكتر بكتير من وانت بتبين اخطاء ناس تانيه.. وكل ماتكون حقاني هانكسب شباب كتير بالحق اللي عايشينه..كنيستنا اعظم بكتير من اجتماع او مهرجان.. لكن في نفس الوقت محتاجين نفكر اذاي نرد كل اللي تاه
23 - 09 - 2017, 11:21 PM
رد: اتكلم عن جمال كنيستك
العرض العادي
