|
 |
 |
 |
|
|||||||
 |
|
|
أدوات الموضوع | انواع عرض الموضوع |
|
رقم المشاركة : ( 1 )
01 - 09 - 2017, 04:38 AM
|
|||||||||
|
|||||||||
|
الخوري كامل كامل في أقوى تعليق على مقتل شهداء الجيش اللبناني وتهريب داعش  كتب الخوري كامل كامل: حب الوطن متل حب الام… هالقد بيوجع بذكر يا إمي بهيداك النهار الأسود لمن هجموا علينا النصرة وجماعة داعش بعرسال، صوت رفقاتنا بالجيش تنصبر لأنن جايين يحررونا من الأسر ببلادنا، لمن احتجزونا ببيت الله اللي لازم يكون أصلاً للعبادة مش حبس للأحرار… بسمع يا إمي رئيس دولتنا عم يطلب من قائد جيشنا اللي كان بلش بهجوم معاكس ليحررنا، بسمعوا عم يقللو وقف إطلاق النار، ورغم اعتراض قائدنا أصرّ رئيس حكومتنا على التراجع والانسحاب، من يومها يا إمي استشهدنا كلنا واستشهد الوطن… أوامر رئيس حكومتنا وجعتني أكتر من السكين اللي دبحتني… وكنت بلِّشت إرتاح لمن شفت رفقاتي عم يحرروا وينضفوا الجرود من هالدنس، لكن رجعت حسّيت بالسكين عم تحزّ ع رقبتي وهالمرة وجعتني أكتر ، لأني صرت عضام بعد ما لحماتي أكلوهن سماسرة الوطن… وجعتني السكين أكتر يا إمي لمن سمعت إنّو اللي ذبحونا رح يطلعوا سالمين من الارض اللي رويناها بدماتنا، ونحن رح نرجع عضام بنعوش مرصعة بدمعاتك… وجعتني السكين أكتر يا إمي لمن سألتي عني المسؤول وقلك انشالله بيرجع بالسلامة، وهوي اللي دفني بإيدو تحت التراب… وجعتني السكين أكتر يا إمي لمن شفت رفقاتي وقفواع قبري وحنوا راسن ونكسوا بواريدن لأنو اللي دبحني رح يمرق من قدامن بسلاحو ومش رح ياخدوا بتاري… وجعتني السكين أكتر يا إمي لمن أخدوا مني خزعة تيعملولي فحص ال ADN ويأكدولك إنّو هالعضمات هني إبنك اللي ربيتي بدموع عيونك، وهلق كيف بدن يربوا إخواتي ودموعك منشفين؟؟!! ورح توجعني السكين أكتر يا إمي لمن بدن يعملوا يوم حداد علينا، قولك يا إمي بهيدا النهار بترجعلنا الكرامة؟؟ وبرجع أنا بوّس إيدكي واطلب رضاكي قبل ما روح عالخدمة؟؟!! رح توجعني السكين أكتر يا إمي لمن بشوف اللي تاجروا بدمعاتك عم يعزوكي، واللي تاجروا بدماتي عم يحكوا بالوطنية… رح توجعني السكين أكتر يا إمي لمن رح يقولوا خطابات فوق نعشي ونعوش رفقاتي، ويقولوا إنّو انتصرنا… ورح توجعني هالسكين أكتر يا إمي لمن إبني رح يشوف بكتاب التاريخ أسامي حكام باعوا وطنن مكتوبي بخطوط مدهبي واسم بيو الشهيد وشهدا كتار متلو مشحوط بقلم أسود كإنو غلطة لازم تنمحى… بتعرفي يا إمي وجعتك كفاية ما كنت عارف إنّو حب الوطن متل حب الام هالقد بيوجع….بخاطرك. 
|
|
01 - 09 - 2017, 10:13 AM
|
رقم المشاركة : ( 2 ) | ||||
|
..::| الإدارة العامة |::..
|
رد: الخوري كامل كامل في أقوى تعليق على مقتل شهداء الجيش اللبناني وتهريب داعش
ربنا موجود
|
||||
|
|
|
12 - 09 - 2017, 08:23 PM
|
رقم المشاركة : ( 3 ) | ||||
|
..::| مشرفة |::..
|
رد: الخوري كامل كامل في أقوى تعليق على مقتل شهداء الجيش اللبناني وتهريب داعش
ربنا يبارك خدمتك المثمرة
|
||||
|
|
|
| أدوات الموضوع | |
| انواع عرض الموضوع | |
|
العرض العادي
