منتدى الفرح المسيحى  


العودة  

الملاحظات

إضافة رد
 
أدوات الموضوع انواع عرض الموضوع
  رقم المشاركة : ( 1 )  
قديم 21 - 07 - 2017, 07:15 AM
الصورة الرمزية Rena Jesus
 
Rena Jesus Female
..::| الاشراف العام |::..

 الأوسمة و جوائز
 بينات الاتصال بالعضو
 اخر مواضيع العضو
  Rena Jesus غير متواجد حالياً  
الملف الشخصي
رقــم العضويـــة : 1424
تـاريخ التسجيـل : Sep 2013
العــــــــمـــــــــر :
الـــــدولـــــــــــة : مصر
المشاركـــــــات : 79,638

١٠ نصايح للمخطوبين :

١٠ نصايح للمخطوبين :

١- الخطوبه مش جواز ،

دي مجرد تجربه ووارد تفشل ، يعني العريس مش زوج ومالوش حقوق غير التعارف ، يعني ما ينفعش يتقال له يا بيبي ولا ياجوزي ولا حتي يا حبيبي ،
وطالما بقي خطيبك يبقي يستاهل بالكتير لقب (يامدهول ).

٢- مش معني ان الخطوبه اسعد فتره ف حياتنا يبقي نقضيها مراجيح ،

دي اًكتر فتره محتاجه تفكير ودراسه علشان تودينا لأسعد فتره ف حياتنا اللي هي الجواز العرفي .

٣- قرارات ابوكي واخوكي تمشي علي التخين وبالذات خطيبك ،

ومش من حقه يقولك اخرجي او متخرجيش ولا تصاحبي مين ولا ماتصاحبيش ،
يعني لو ناوي يعمل عليكي راجل اعملي عليه شوربه .

٤- الغريزه لو دخلت علي الخط هاتشوشر علي قرارتكم وهتكرهوا بعض او تدمنوا بعض ،

وفي الحالتين التقييم مش هايبقي صحيح وهاتتصدموا بعد الجواز ،
يعني نتلم و نحترم نفسنا لحد ما نتنيل نتجوز .

٥- الطبيعي ان مفيش حد بيتغير ، وبالذات لو فشل يتغير في الخطوبه ،

يبقي لايمكن هايتغير بعد الجواز، يعني بلاش نقول بكره هايتغير ،
وكلنا طبعا عارفين المثل بتاع ديل الكلب .

٦- الفرح ممكن يبقي شكر لربنا علي نعمته ، وممكن يبقي شكر للشيطان ،

يعني نلبس عريان او لو محجبه نخلع الحجاب ونجيب رقاصه ونتمنظر علي القرايب والجيران بالفرقه والأكل والفشخره ،
لو كده يبقي نكنسله احسن ونطلع بتمنه هاني مون ف بلطيم او جمصي او حتي نصرف شويه ونروح راس البر .

٧- قيمه الشبكه والفرح مش دليل علي ان العريس شاري او مش شاري ،

لكن دليل علي امكانياته يعني السؤال يناسبنا ولا مايناسبنهاش ،
وديكارت بيقول (كل برغوت علي أد دمه)
وام ديكارت بتقول ( خدوهم فقراء واشحتو معاهم )
وخاله ديكارت بتقول ..... ولا بلاش كفايه نميمه .

٨- لازم نعترف بعيوبنا ونخير الطرف التاني

وهو اللي يقرر يستمر او ينسحب ،
لكن نلبس أقنعه يبقي هانلبس ف حيطه .

٩- لما العريس او العروسه يبان فيهم عيوب لاتطاق

( البخل - الشك - الكذب - تباعيه الأهل - عدم التدين - الغرور- او عدم تفاهم خالص )
يبقي لازم نخلع ومانقولش نرضي بالمقسوم ، ساعتها ارجوكوا اتبطروا علي النعمه وعلي ضمانتي .

١٠- آخر نصيحه للعريس بلاش زيارات كل يوم ،

بلاش فاكهه وحلويات كل مره ، بلاش تتعشي عندهم كل ماتروح -
بلاش تعمل طبيعي زياده عن اللزوم وتروح بالبيچامه او تستهيف او حتي تطبخ مع حماتك ، خليك تقيل .

cpd
رد مع اقتباس
قديم 21 - 07 - 2017, 01:56 PM   رقم المشاركة : ( 2 )
Mary Naeem Female
† Admin Woman †

الصورة الرمزية Mary Naeem

الملف الشخصي
رقــم العضويـــة : 9
تـاريخ التسجيـل : May 2012
العــــــــمـــــــــر :
الـــــدولـــــــــــة : Egypt
المشاركـــــــات : 1,372,039

 الأوسمة و جوائز
 بينات الاتصال بالعضو
 اخر مواضيع العضو

Mary Naeem غير متواجد حالياً

افتراضي رد: ١٠ نصايح للمخطوبين :

خليك تقيل
صح الكلام
ربنا يباركك
  رد مع اقتباس
قديم 21 - 07 - 2017, 01:59 PM   رقم المشاركة : ( 3 )
walaa farouk Female
..::| الإدارة العامة |::..

الصورة الرمزية walaa farouk

الملف الشخصي
رقــم العضويـــة : 122664
تـاريخ التسجيـل : Jun 2015
العــــــــمـــــــــر :
الـــــدولـــــــــــة : مصر
المشاركـــــــات : 387,806

 الأوسمة و جوائز
 بينات الاتصال بالعضو
 اخر مواضيع العضو

walaa farouk غير متواجد حالياً

افتراضي رد: ١٠ نصايح للمخطوبين :

بلاش تعمل طبيعي زياده عن اللزوم وتروح بالبيچامه او تستهيف او حتي تطبخ مع حماتك ، خليك تقيل


ربنا يبارك خدمتك الجميلة رينا .
  رد مع اقتباس
قديم 22 - 07 - 2017, 08:26 AM   رقم المشاركة : ( 4 )
Rena Jesus Female
..::| الاشراف العام |::..

الصورة الرمزية Rena Jesus

الملف الشخصي
رقــم العضويـــة : 1424
تـاريخ التسجيـل : Sep 2013
العــــــــمـــــــــر :
الـــــدولـــــــــــة : مصر
المشاركـــــــات : 79,638

 الأوسمة و جوائز
 بينات الاتصال بالعضو
 اخر مواضيع العضو

Rena Jesus غير متواجد حالياً

افتراضي رد: ١٠ نصايح للمخطوبين :

ميرسى لمروركم الغالى
١٠ نصايح للمخطوبين : ١٠ نصايح للمخطوبين : ١٠ نصايح للمخطوبين :
  رد مع اقتباس
إضافة رد

أدوات الموضوع
انواع عرض الموضوع

الانتقال السريع

قد تكون مهتم بالمواضيع التالية ايضاً
الموضوع
ورفع نظرة نحو السماء - القمص لوقا سيداروس- ١٥/ ١٠/ ٢٠١١
اجمل ١٠ نصايح للحياة
١٠ نصايح لقرار صحيح
١٠ نصايح نفسية في الشراء
أكتر ١٠ نصايح أثرت في حياتي


الساعة الآن 09:51 PM


Powered by vBulletin® Copyright ©2000 - 2025